網上資料吾會話你知 - 嶂上郊遊徑，一條路滿足你三個驚喜 - 適合新手練習既路線 精選

路線：高塘 > 嶂上郊遊徑 > 石屋山 > 畫眉山 > 北潭 > 鯽魚湖

路程： 10 公里

所需時間： 4 小時

地圖：

高度圖:

交通：
起點：
上車地點： 新蒲崗采頤花園 ＞ 西貢市中心 ＞ 高塘 小巴 1A ＞ 西貢市中心 ＞ 巴士 94

上車地點： 彩虹地鐵站C2 出口 ＞ 西貢市中心 ＞ 高塘
小巴 1A ＞ 西貢市中心 ＞ 巴士 94
巴士 92 ＞ 西貢市中心 ＞ 巴士 94

上車地點： 彩虹地鐵站C2 出口＞ 高塘
巴士 96R （只限星期六日及公眾假期）

終點：
鯽魚湖巴士站
巴士 92 ＞ 西貢市中心 ＞ 巴士 94 ＞ 鑽石山、彩虹等等
巴士 96R ＞ 鑽石山、彩虹等等

路程描述:
高塘落車，向前行 （向黃石碼頭方向），到達第一個岔路，轉左。可以留意路牌，寫住白沙澳，海下灣方向。
一直向前行大約十分鐘（途中無任何分岔路），就會到嶂上郊遊徑入口。


西貢比起其他行山區域黎講，係比較適合新手練習。因為沿路比較多指示牌，路程相對可長可短，比較快到達車路。

呢到就係嶂上郊遊徑入口，沿路上去，就會到達嶂上。

西貢山路，主要係甘樣既，比較少明顯既梯級。
見到呢個牌，就要向住嶂上方向行。

嶂上同民居有距離，所以空氣相對比較好，植物都生長得比較好。

行個日天氣比較差，非常重霧氣。

好可愛既植物

然後行多15分鐘就黎到嶂上士多。

食完豆腐花，就開始上石屋山。一出士多，貼住嶂上士多既外牆轉左行10步以內，會見到左手邊有一條小路。又會見到絲帶，沿絲帶上山，就會到小山丘既頂。

但係上到石屋山，因為太大霧。咩都睇吾到。
所以比住之前上石屋山天朗氣清既相比大家望下先。
跟住就轉落畫眉山旁邊落。

轉入北潭 。

到鯽魚湖。

結語：
首先呢一條路可以有補給站，大家可以係嶂上士多食豆腐花，糖水同汽水。

其次，落山同上山既路段都係新手練習行山路最好既路段。
最後，呢一條路線景觀一流。

建議裝備：
- 背包，盡量避免用腰包
- 水 （大約1.5 至 2 L）
- 防曬用具，例如帽、防曬霜
（而家天氣未必係藍天，但係絕對有超強紫外線，避免曬傷）