行山發燒友吾會話你知 - 我地個袋裝左D咩 精選

最近，真係多左好多人去行山。不論大小長短既路，都會有好多人行。

當大家都會咩住個袋個陣，其實又裝左D咩呢？

今次就分享一下，港女平日個袋會裝D咩啦

1. 水
因為每個人飲水量都吾同，所以港女自己而言，5公里或以上，都會有1公升到1.5公升既水比自己飲。

另外會再帶一支細既250毫升枝裝水。一方面，如果遇到其他朋友無水飲個陣，可以比佢飲。另一方面， 如果係跌到整親，可以有水去清洗傷口。

港女就仲意帶呢個水袋，因為比傳統水樽輕，收藏又方便。

2. 急救包
成日都覺得有個急救包會安心D，所以行一日既短程都會有一個傍下身。入面會有膠布、清洗傷口既用
品、吾同size既繃帶同紗布等等。

當然吾會比得上一D 專業人士既急救包

港女試過行山擦損曬，即時用左清水洗傷口，番到屋企雖然用左消毒藥水消毒，但係因為處理吾好都係發
炎。要去搵醫生幫我再處理。自從多次行山都會擦損扭傷之後，港女點都會有個急救包。可以即時做到簡
單處理，防止傷勢惡化，促進復原都係急救既目的。

而一般藥房都可以買到。

3. 尿袋
因為電話電池可能會用得好快，所以帶定一個尿袋，可以隨時充電

4. 裝垃圾既膠袋
因為所有帶上山既野都應該自己帶番落山，而垃圾可以放係一個膠袋入面，就可以帶走自己既垃圾。
5. 酒精搓手液
通常港女行山都會帶零食去食既，所以為免食甘多細菌落肚。港女都會準備好搓手液洗下手

6. 郊遊圖
一般行山都會帶一張郊遊圖，可以就住自己同朋友既身體狀況，即時改路。而且郊遊圖資料豐富，可以即
時知道附近休憩既地方。


7. 電筒
因為有機會誤闖入密林，而樹冠甘密既話，其實密林可以好黑。所以有電筒會更安全

港女明白大部份既新手未必會有齊以上裝備，所以可以用一D 代替品。

以清水代替消毒藥水，方便係山上面，擦傷可以即時清洗傷口。以膠布覆蓋傷口，以免感染。

另外，手機既行山app 亦可以代替郊遊圖。
-------------------------------------------------------------------------------------------------
如果作為新手既你，或者經驗十足既你 睇完，歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/