『增肌大法好』漸進性訓練量 精選

漸進性係增肌其中一樣非常重要嘅因素，好多人入gym 都想大隻啲，睇完網上嘅資料話8-12 RM增肌效果最好，就猛咁練8-12 RM，唔可以否認，一開始的確效果好好，但係效果一路一路衰退又係咪你想睇到嘅呢?

係健美發展嘅路上，只要你肌肉發展慢落嚟，就代表你舉緊嘅重量開始比你嘅身體適應。咁點算好呢，係咪代表你已經到咗頂，已經冇得再進步? 當然唔係啦，你可以做嘅係:
-增加負重
-增加組數
-增加訓練頻率-改善動作


以上每一種都係好有用嘅方法，增加負重能夠有效咁增加機械張力，增加組數能夠增加代謝壓力，增加頻率就可以令你嘅肌肉合成作用出現的更多，而佢地有一個共通點，就係可以好有效咁提升訓練量。

咩係訓練量?訓練=重量*組數*次數
因此，係做8-12 RM嘅訓練之外，間唔中都要做一啲發展力量嘅訓練，令你嘅訓練量增加，試諗下如果你平時練胸嘅時候係做緊3組12下50公斤嘅臥推，係你力量增加之外，做嘅係3組12下100公斤嘅臥推，梗係100公斤嘅可以令你增多啲肌啦。
同時你都因為訓練時間長咗慢慢增加組數，令3組變成5組，更大化你嘅訓練量同埋增肌效果。

力量又有，身材又有，你都唔想淨係得個樣，大大隻都冇乜力架?

如果鍾意，不妨係下面留言話我知，跟住再去gym操野。
如果唔鍾意，不妨都係下面留言討論，順手話埋我知衰啲乜。