『減肥』男女適用 力量訓練

不專業健身 於 14/10/2018 發表 收藏文章
好多人同我一樣一開始入健身室嘅目的,都係以減肥為主。咁今日就打算同大家分享下我點樣用力量訓練去減肥,甚至改善體態,增加肌肉量。

一開始首先同大家講下,咩叫RM。RM 即係repetition maximum即係呢個最多可以做幾多下。舉例,100公斤你最多可以舉到5下,咁呢個就係你嘅5 RM。RM前面嘅數字愈細,就代表愈重。

咁我當時係網上就睇到:
1-5 RM嘅重量可以增加力量;
8-12 RM嘅重量就可以增肌;

FanPiece TV

12-20 RM嘅重量就可以增強肌耐力。

咁我究竟點樣利用嚟減肥呢??

咁我一星期就會訓練六日,用推拉腿嘅訓練菜單去訓練嘅(咩叫推拉腿就睇我之後嘅文)。

首先我會熱身先啦,之後用大重量嘅複合式動作,例如臥推、深蹲、硬拉、划船、肩推等動作去做我第一組訓練動作,取決於當日我要練啲乜啦,咁會以5*5嘅形式。

咁點解一開波就舉咁重呢,就係因為大重量複合動作係會大幅提升心率,同時用到數個大肌群同時合作,高強度而且用上多肌群嘅訓練可以大幅燃燒肥肉嘅,同時會有後燃作用,係做完嗰日都會處於燃脂狀態下。

咁之後我會用上3-4個動作,每個動作做大約3組,以肌肥大為主,咁就係因為肌肉嘅增加係可以幫你增加你每日代謝率,咁就唔會反彈啦。

咁女士就唔洗擔心話會唔會大大隻好核突,寫包單絕對唔會嘅,重量訓練不但可以令你減肥,仲可以線條出哂嚟。可以睇下佢
佢都係靠重訓練出咁嘅身型,而唔係只靠吃力不討好嘅跑步等等帶氧運動。但係絕對冇人會話佢太muscular好核突。

如果鍾意,不妨係下面留言話我知,跟住再去gym操野。
如果唔鍾意,不妨都係下面留言討論,順手話我知衰咩?


留言


請按此登錄後留言。未成為會員? 立即註冊
    快捷鍵:←
    快捷鍵:→