為何東京奧運沒有俄羅斯

場上的波兒 於 02/08/2021 發表 收藏文章
奧運進行左三分二,好多朋友都問波兒點解俄羅斯唔係叫俄羅斯,而係叫俄羅斯奧委會(ROC),咁就等波兒係度簡單講下。

事緣喺2014年完左俄羅斯索契冬奧會後,德國有電視台播出紀錄片,揭露俄羅斯田徑運動員系統性使用興奮劑並喺政府和教練的幫助下避過禁藥測試,世界反禁藥組織(WADA)就係咁成立獨立調查委員會對呢單醜聞展開調查。

經過多番調查後,發現俄羅斯已經有4年時間系統性使用禁藥,並且涵蓋冬季奧運會和夏季奧運會中絕大多數的體育項目,所以WADA喺2019年通過決議,禁止俄羅斯參加國際體育比賽,為期4年,其後體育仲裁法庭(CAS)決定將其禁賽期減半,但俄羅斯都無法以國家名義出戰東京奧運。

FanPiece TV


喺禁令下,未曾涉及禁藥問題既俄羅斯運動員可以「ROC」(俄羅斯奧委會)名義參加體育賽事,用ROC呢個名係要避免俄羅斯既國家全名出現喺會場上,隊服亦唔可以出現俄羅斯國旗,要改用俄羅斯奧委會標誌代替,但就可以保留俄羅斯國旗既紅色、白色和藍色。而如果俄羅斯運動員係東京奧運奪金,亦唔會播俄羅斯國歌,而係改播俄羅斯著名作曲家柴可夫斯基既第一鋼琴協奏曲的節選。

#場上的波兒

留言


請按此登錄後留言。未成為會員? 立即註冊
    快捷鍵:←
    快捷鍵:→