行山露營必備的降溫「冷知識」 精選

最近，天氣越來越熱。但係香港人都無有怕，一於上山玩。有見及此，港女就希望為大家冇帶多少少行山既「冷知識」。令大家上山既可以享受，又可以安全甘玩。

香港屬於亞熱帶地區，好多時候會聽到有人上山中暑，發生意外。但係就好少聽到係山上太凍而出事。所以夏天比冬天既時間，更容易發生意外。有見及此，港女準備左4 個「冷知識」同大家分享。

圖片取自網絡

一定要定時休息

行山係一種持久，講求耐力既運動。所以吾需要鬥快，或者限時要到達目的地。其實可以慢慢行，欣賞風景。建議大家每行45分鐘 - 1 小時，就要休息番5 - 10 分鐘。

原因係香港人大多都生活係冷氣入面，番工同屋企都離吾開冷氣。所以對於高溫環境下做劇烈運動既適應能力就會下降。於是只要熱少少，身體就會開始吾舒服。

要避免意外，足夠以及定時既休息，係必須。
大嶼山區域既路段，一般都比較曬同長。所以夏天既時候都會避開呢一個區域。

請小心選擇路徑

香港有好多吾同既山徑。有長有短，有難有易。如果係夏天，港女絕對建議大家行一D近市區，路程短，而多樹蔭既山徑。
近市區既話，比較容易同更快得到協助。而路程短既時候，遇到吾舒服，都可以隨時折返。多樹蔭亦都可以避免長時間暴曬既可能性。

當然，行山之前，港女都一向建議大家要事前了解多少少山徑既難度，長度以及路況等等。再進行一次自我評估，到底自己既體能可吾可以應付到。


一定要帶帽或者傘，為自己製造蔭涼既環境

一般荔枝窩呢一帶都係相對比較多樹蔭，而且路線好多元化。可長可短，係夏天都比較熱門既路線。

當大家係戶外既時候，一定經歷過見到樹蔭或者蔭頂就會入去避下太陽。原因係，太陽曬吾到既地方，一定會比太陽曬住既地方低2- 3度。

但係行山既時候，總係帶好多路段都未必會有自然既樹蔭。所以就要有帽同傘。

港女試過挑戰自己既極限，38度既時候行大嶼山。於是港女左手拎傘，右手拎扇甘行。其實都吾係吾得既。不過可以揀既話，就吾想甘辛苦。

飲水

飲水，一定係一個最重要既因素令自己吾好中暑。但係一次飲太多水既話，其實就會加快排汗。於是夏天行山，港女都會建議大家將支水雪成冰。
甘樣既話，一方面吾會一次過飲曬D水。另一方面D冰慢慢融既時候，又會飲到凍水。其實係一舉兩得既做法。

一D電解質飲品，都會係一個吾錯既選擇。


正確分辨中暑，熱衰竭

中暑同熱衰竭一樣都有機會致命。成因，簡單黎講就係太熱，而身體既散熱機能出現故障。所以出現中暑同熱衰竭。

而中暑既徵狀包括：
- 皮膚會變紅
- 摸患者既皮膚會感覺熱，但係好乾，無汗出
- 患者覺得頭暈，想嘔
- 脈搏會好快而好強- 惡化既時候，會神志不清甚至昏迷

熱衰竭既徵狀就會係：
- 皮膚變得蒼白
- 摸患者既皮膚會感覺凍，但係好濕，好多汗出
- 患者覺得頭暈，想嘔
- 脈搏會好快而好弱


一般市民並無接受長期或者專業既急救知識，未必識點樣分中暑或者熱衰竭。一句講曬，如果行山既時候，覺得吾舒服就要出聲。吾好死頂。另外，一齊同行既朋友，都要不時互相觀察，睇下對方既面會吾會突然出好多汗，好紅。或者突然成塊面變到白左，青左。

如果真係出現呢種情況，一定要飲適量既水，去蔭涼既地方休息。
--------------------------------------------------------------------------------------------------------------------------------------------

如果作為新手既你，或者經驗十足既你 睇完，歡迎大家留言比comment 。如果仲意港女既專欄，請大家大家訂閱港女既專欄，睇第一手最新既文章。亦都多謝支持港女既朋友。下次再見。

https://sports.fanpiece.com/hkgirlandtrail/