一件小事

做了一件小事，感恩

打去1823，電話接通。

我：「喂，我岩岩行山見到馬騮屍體，通知你地一聲，位置係城門水塘附近……」

接線生：「好呀，先生你可唔可以講清楚個位置呀？因為我要知道個位置，然後先可以確定係咩部門負責。」

(其實咩部門負責，同我冇乜關係，我報完位置，之後點做係你地嘅事，同埋反映到政府做嘢係點)
我：「係城門水塘落去梨木樹條馬路，旁邊有樓梯，屍體就係嗰度。」

接線生：「先生，你介唔介意我地開個個案，留低你嘅聯絡資料呢？」

我：「ok，冇問題」

(自問有耐性，可惜電話收唔到，對話終止，冇留低聯絡電話)

(其實我報左位置，已經完成左我嘅責任，但後來好笑嘅係，佢打返電話俾我，即係佢知道我電話，但我當時聽唔到，去左留言信箱)

(聽左留言後，我打去1823，留言講返頭先嘅事，然後繼續行山)
(兩個鐘後……我又收到電話)

接線生2：「先生，收到你嘅留言，但我地應該未開個案，你介唔介意講多次頭先發生咩事？」

(真係唔知要講幾多次先處理到……)

我：「城門水塘附近有馬騮屍(省略……)」

接線生2：「明白，咁可唔可以開個案同留個人資料？」

我：「可以」

(今次終於開到個案)

接線生2：「先生多謝你，我地會派人處理，有需要會打俾你」
(任務完成！)

(半小時後，電話響起……)

我：「喂，邊位？」

電話大叔：「我係漁護署職員，你所講嘅位置，係咪係村附近？」

我：「係呀，屍體係樓梯度」

電話大叔：「我係村口信箱附近」

我：「岩啦，信箱行落去，左面有路口見到樓梯，屍體就係度」

(應該冇問題啦)

電話大叔：「好嘅，我再搵下」
(15分鐘後，電話響起)

電話大叔：「我來回行左兩次，見唔到條屍喎」

(咁恐怖？唔通已經有人執走左？)

我：「唔係喎，信箱落去，好快就見到樓梯」

電話大叔：「咁我再搵下啦」

(15分鐘後，電話顯示有留言)

(留言係電話大叔把聲：唔該曬，條屍已經搵到，唔該曬)

~~~~~~~~~~~~~~~~~~~~~~~~~~~~~~~~~~~~~~~
1 處理左一件小事，雖然來來回回幾次，但都學到野2 感恩做左一件小事
3 親親大自然總會有驚喜，總好過留係城市