Polar A370 光學心跳錶 | 運動裝備

我身邊既呂忍見我早前買左隻Polar M430，有d功能佢覺得幾得意，見佢好似好有興趣咁，就買隻比較啱佢用既款式 – Polar A370。其實M430既操作我覺得都易用，而A370因為係彩色touch screen，就仲方便簡單！但可惜我呂忍對呢d functional產品唔係太叻… 所以我就摸熟呢隻錶教到佢用之餘，又著此同大家分享。

A370既外形雖然比M430再細d，但就算戴上男仔手度都冇問題。重量方面，我已經覺得M430好輕，點知A370仲輕，而且係用silicon錶帶，所以戴上手都好輕身舒服，男女都適用。
*順帶一提，A370可以搭唔同顏色既錶帶，但套裝就得黑、白兩色。

Setup步驟同M430一樣，大家可以去到最底click返M430篇文睇返。
個人覺得A370最特別之處係佢會24小時監測心跳，入到setting啟動”Cont. heart rate”即可。A370會每5分鐘記錄一次，有埋平時活動既心跳數據，會更準確計算燒左幾多卡路里，對注重呢方面細節既女士黎講絕對係恩物。要注意既係手錶只會顯示平時活動最大同最小既心跳率，想睇晒成日既心跳變化，就要將資料過返去自己既Polar Flow account，去返網頁版就睇到。

另外，A370有Sleep Plus睡眠監測功能，戴住瞓覺除左會知道邊段時間有干擾之外，配合埋24小時心跳監測，你仲可能知道埋你瞓覺時既心跳。

A370本身並無GPS，但佢同手機配對後可以拎手機既GPS，而作為平時check你做室內運如gym或yoga，但對平日有去跑街又唔鍾意帶住手機去跑既朋友黎講，呢隻錶係有d美中不足…

總結
拎左呂忍隻A370試用左一兩日，操作係比M430簡單好多，尤其係touch screen，對平日用開smart phone篤篤篤既人黎講係好易上身。而且錶身唔大同輕，所以對日常做野影響不多。作為一隻平日監測活動同做運動既手錶， A370係值得推薦。