喜歡一班人跑的理由 by Sick Leave－ (一位愛跑步的藥煲) 精選

「跑步一個人都得啦？！」有好多人都係咁諗。

「點解你會中意一班人一齊跑架？自己一個着對跑鞋落街，跑幾個圈減下肥咪得囉。拎住d跑衫跑鞋去運動場跑果一陣，又要帶鞋又要沖涼，麻麻煩煩咁！」或者你的屋企人曾經咁問過你。

雖然我屋企人無咩特別講d咩，可能係因為由中學打波開始，已經要拎埋d運動衫褲去唔到的地方，亦會成日練到好夜返屋企，所以屋企人都習以為常。不過我知道好多跑友的家人或者其實都有朋友問過我「拎咁多野，又去鬼咁遠跑個步，咁辛苦又有咩謂？」

你或許都有同樣的想法。 的確，一個人跑比一班人跑方便，一落街就可以自己跑。但係一班人跑的得着，卻是一個人練習所無法比擬的。

我喜歡一班人跑，點解？

1.更容易堅持下去
當你跑到好熱好辛苦的時候，你旁邊的跑友能夠讓你堅持下去，突破自己

2.競爭性
見到一齊跑的跑友進步，自然唔會想落後，大家一齊進步

3.安全
跑跑下唔舒服都有人照顧下你，幫你做下人工呼吸咁，或者只係.打個999都好

4.分享經驗
慢跑的時候除左跑之外，亦可以吹下水，分享下不同的經驗，除左可以令到本身的跑步知識增加外，亦可以識多個朋友

5.食飯
一班人跑步的重中之重，肯肯定係跑完一齊食個正飯，吹個靚水，Happy together！
而喜歡團跑的你，又有咩原因令你咁中意一班人跑呢？