網上資料吾會話你知 - 老虎頭山有幾靚

港女去行山 於 02/10/2020 發表 收藏文章
港女去過吾少地方行山,但係如果要數港女最仲意既山,老虎頭一定係排係頭三。

FanPiece TV

港女當日係老虎頭上面影。

香港行山分三種景色,一係自然風景,二係樓景,三係古蹟類風景。

如果要講自然風景,西貢係首選。因為遠離市區,而且污染亦相對比較少。所以睇奇石或者植物,真係一流。

講香港既樓景,又點少得獅子山。企係獅山山頂,基本上,成個九龍都睇得曬。真係大地在我腳下既震撼感。

而古蹟類就有港島區既鶴嘴,係個到,會睇到1875年落成的鶴嘴燈塔同機槍堡等等。

睇開港女既文既讀者都會知到,港女係一個極為坦白而又挑剔既人。所以港女對事物既要求都好高。所以港女不期然會稔到要介紹一下老虎頭。

呢一張係港女行上老虎頭,中途掉轉頭影既相。係香港要睇到甘寛闊既景可能只係得太平山同獅子山望到。但係由呢一個角度望過去,就真係比較少見。

老虎頭位於大嶼山東北面,高度有465米,屬北大嶼山郊野公園(擴建部分)。之所以叫老虎頭,係因為山上面有一座巨型石崖,遠睇似一隻高處俯瞰愉景灣的老虎而得名。當然,似吾似呢家野呢,就真係睇個人既想象力,每年一到秋天,山上面既芒草都會變成金黃色,就好似老虎毛,於是就更加坐實左老虎頭呢個名啦。

上去既途中,如果可以既話,一定要掉轉頭望一望。吾好靜係掛住向前行,因為呢到都可以望到愉景灣。連最出名既愉景灣教堂都係你既腳下。

首先老虎頭既地理位置,十分之得天獨厚,係睇風景一流既選擇。老虎頭座落於愉景灣,而望出去,可以一次過由左至右睇曬新界,九龍同香港,甚至連香港仔都睇到。除左睇到樓景,又會睇到維港。而青山亦都可以望到。港女最開心既係呢到仲可以係山上面望到飛機升降。因為機場條跑道係正老虎頭下面。望番大嶼山本身又會見到天然既山景。所以港女都真係念念不忘。再加上,港女上次行個陣,係日落黃昏,景色就更加迷人。

如果天氣好的話,由左至右,都會見到屯門,青山,小欖,深井,荃灣,旺角,尖沙咀,港島區就會由中環一直望到去香港仔。

個日有一舊黑雲係頭頂,仲以為會落雨。

不過老虎頭,既然講得係巨型石崖,又點會甘易就上到去。都需要花時間同體力。最重要既係,長度都有番甘上下。

呢一段係相對比較易行既路段。今次既相都真係比較少,因為港女上緊去個陣,無手又無力影相。如果係可以企得穩,仲有氣,港女一定會影。但係十分抱歉,呢鑊真係企吾穩。下次搵另一班fd 去個陣補番。

係山頂影番落梅窩,都真係好靚。因為老虎頭已經係大嶼山東北方最高既山,所以景色同南大嶼都好吾同。

港女如果有得揀,一定吾會想行回頭路。呢個係一種心理壓力黎,因為如果行回頭路,你個腦就會開始記番起岩岩行得有幾甘辛苦。然後又會將自己見到既野去比較番頭先上黎條路。個腦就會開始稔點解甘耐都未到,岩岩好似見吾到呢個路口既,點解同頭先好似有D吾同既。於是港女會越行越燥底。不過要講行到燥底,港女就真係試過由西貢行馬鞍山山頂既時候一路行山一路鬧。下次港女介紹呢條,比天梯更痛苦既路。

所以港女選擇由愉景灣上老虎頭,然後經奧運徑,行落去梅窩。全長大約 11公里。需要大約2個半鐘左右。

港女由愉景灣廣場落車,行去老虎頭方向。中途會經過愉景灣廣場既中庭,都幾靚。於是開始明點解會有甘多外國人係到住。因為真係一D都吾似係香港。

路線圖:

愉景灣交通:

1. 愉景灣渡輪: 中環3號碼頭乘搭愉景灣渡輪,成人費用為40元,船程25分鐘
2. 愉景灣巴士:由欣澳港鐵站乘搭DB03R到達愉景灣巴士總站,車程約20分鐘,成人車費10元。又或者由東涌港鐵站乘搭DB01R 到達愉景灣巴士總站,車程約20分鐘,成人車費10元。

梅窩交通:
1. 大嶼山巴士 : 由梅窩乘搭 3M大嶼山巴士到東涌
2. 梅窩往中環輪船: 由梅窩碼頭到中環碼頭

注意事項:
1. 路況: 呢條路屬於碎石同比較斜既路,而路段相對較長,所以建議大家著行山鞋。
2. 天氣:建議大家秋冬季先好行,因為全段路程暴曬程度比較高,所以夏天去都比較易中暑
3. 體能要求:相對較高,因為一開始由愉景灣上山都係比較斜,所以體能要求比一般家樂徑高。
4. 糧水: 由於路徑中途並無補給點,而同時亦都會有暴曬較高既情況,所以建議帶備大約2 升既水。

如果作為新手既你,或者經驗十足既你 睇完,歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/

留言


請按此登錄後留言。未成為會員? 立即註冊
    快捷鍵:←
    快捷鍵:→