行山發燒友吾會話你知 - 行山姿勢同行山杖到底點用

港女去行山 於 03/05/2020 發表 收藏文章
最近港女同朋友去行山,港女既朋友行到好辛苦。但係隔離有幾位年長既行山友就健步如飛。都係一個好有趣既景像,有時你係咪都會稔,同一條路,點解人地甘輕鬆,我甘辛苦呢?

今日就同大家解構一下,點解人地甘輕鬆,我甘辛苦。

第一,行山路一定要著行山鞋。

FanPiece TV


就好似之前港女既文章都有提到,其實行山鞋之所以出現,係因為行山個陣,地下凹凸不平。因此行山鞋既設計就加上好多「狗牙」就係為左應付呢一類既路程。相反若波鞋行既話,相對會增加難度。因為波鞋鞋底只適用於行下商場,行下街,所以設計個陣並無咩「狗牙」,上到山一定會跣。


第二,落腳點一定係凹凸不平既位置,先可以企得更穩。
我地一般都會覺得,要穩陣,企平地一定最穩陣,其實係相反。因為對行山鞋,天生多「狗牙」,而石頭凹凸不平既話,就可以更有效卡住係石頭上面。而踩落D看似平地既位置,如果一失重心跣腳,其實係仲容易跌。

第三,上山時候,每一步最高係腺頭既位置。
每一個人高度吾一樣,但係上山每提起一步最舒服既高度係吾過自己膝頭位置。如果提高過自己膝頭既話,發力爬上去會好辛苦。

其實行山都會講自己腳感同練習,練得多就可以知道點樣行山最岩自己。

其實好多人都會用行山杖幫自己上山落山。因為行山杖可以分散腳部所受既力。而同時落山個陣可以保護膝頭,減低膝頭磨損。

不如講下行山杖幾時用一枝,幾是用一對。又或者點樣用啦。

行山杖分類
行山杖分兩種。一種叫「T形柄式」,另一種係「直柄式」(滑雪杖式)。

「T形柄式」
圖片取自網絡

「直柄式」
圖片取自網絡

一般如果係短途或者晨運,無太多負重既情況下,T形柄式既行山杖會更加合適。但係如果係跑山或者要負重,分直柄式會更舒服。
行山杖用料

行山杖既用料會直接影響到重量,當然價格會隨住行山杖越輕而越高。一般都會有鈦金屬、碳纖維等等。

碳纖維輕,但係無鈦金屬耐用。

入楔型,呢一類必須要試清楚長度,因為無得較長度,如果吾岩自己高度相對無甘受力。

快速鎖,呢一類係可以較長度。

而設計上面會有入楔型同快速鎖。分別在於,前者長度係無得調較,而後者可以。
所以買個陣一定要試清楚係咪適合自己高度。

行山杖需要配合個人高度
點樣睇岩吾岩自己高度,其實好簡單,只要係手握住手柄,而上臂同前臂成90度角,就叫適合。當行山杖吾適合自己高度,反而係一種另類既負重。

行山杖使用時,要留意路況與行山杖既配合

雪輪指行山杖底部,輪狀配件。而行山杖最底,係一個膠頭,可以拆除的。

其實每支行山杖都會有個雪輪,香港行山個陣就吾太建議加落去。因為放左雪輪會增加卡住係石或者雜草既機會。而另一方面雪輪係雪地先用到,香港就真係吾太需要。

另一方面,如果行山路,其實可以拆左個膠頭出黎,直接用鋼頭接觸地面。相反,行石屎路,就可以用膠頭,減慢鋼頭既消耗。

有人用一對,有人用一支,點樣揀最好?

其實用一對既,你會見到係跑山或者負重既時候,可以加速。
如果一般行山其實一支都足夠。

留言


請按此登錄後留言。未成為會員? 立即註冊
    快捷鍵:←
    快捷鍵:→