行山降溫 「3大誤解」 精選

其實好多人對進行戶外活動既時候，點樣正確降溫都有少少誤解。以下就係其中三經常出現既誤解。


圖片取自網絡，如果係健身室，或者屋企附近跑步，港女就會甘樣著。但係行山都會建議大家最好著番長褲同短袖衫。加上長期曝曬，有機會會曬傷。

「著得越少 ＝ 越涼爽 」？

呢一個，其實係一個誤解黎。如果著得越少，真係越涼。甘應該提倡戶外活動既服飾係有甘短得甘短啦。點解仲會提，要著長褲。

其實要涼，係溫度既問題，係需要降溫。例如，飲水或者係蔭涼地方休息。

而短衫同短褲，只係希望做到散熱快，對於降溫呢樣野，係無幫助。


「貼退熱貼，或者大量使用涼感濕紙巾 ＝有效降溫？」

圖片取自網絡

細個發燒既時候，都會有一塊退熱貼放係額頭。父母會話比你聽，甘樣就可以降溫。
但係大家應該留意到，每次呢一D時候，大家都會係冷氣房或者係一個蔭涼既地方進行降溫。

如果你一路行山，額頭貼住退熱貼。其實係降吾到溫。有兩個原因，因為運動，體溫一定會比平常高。第二，戶外環境本身就已經好高溫。所以貼退熱貼既位置，只會令你感覺到少量既涼。但係實際上身體溫度係無降低既效果。情況有少少似，拎住支雪凍左既可樂一樣。分分鐘，雪凍既可樂，降溫效果比呢一類產品仲要好。

而涼感濕紙巾，只係用一張酒精紙巾去抹身。因為酒精會揮發，所以揮發既過程會幫你帶走皮膚表面既熱感。於是你會覺得好似好涼。但係呢個時候，身體發現某一部份既溫度貼同其他部份有差異，就會努力平衡番溫度。於是好快會變番熱。
效果真係吾會太明顯。


「有甘快，行甘快到目的地」

因為行山好熱，所以都會有種錯覺。快D行完咪算。

但係行山並吾係跑山，其實真係吾需要趕。只係需要安全甘到達目的地就可以。

天氣熱行山，更加要心平氣和。定時休息，飲水。避免出現中暑或者熱衰竭既現象。


港女下一個星期就會詳細小小講解中暑或者熱衰竭，以及應對方法。
--------------------------------------------------------------------------------------------------------------------
如果作為新手既你，或者經驗十足既你 睇完，歡迎大家留言比comment 。如果仲意港女既專欄，請大家大家訂閱港女既專欄，睇第一手最新既文章。亦都多謝支持港女既朋友。下次再見。

https://sports.fanpiece.com/hkgirlandtrail/