2020年 clever hiker 嚴選十大好用地蓆

港女去行山 於 18/07/2020 發表 收藏文章
港女十幾歲就去露營,而多年幾慘痛經驗話我聽。係露營個陣訓得好吾好,同地蓆有好大關係。因為佢同床褥一樣,無左佢,地下甘硬,又多石。一定訓得差。係戶外活動,訓得吾好,吾夠精神。玩得一定吾會夠盡興啦。所以地蓆係露營個陣,一定吾少得。

FanPiece TV

圖片取自網絡

Clever Hiker 同港女就總結左幾多要素去比大家去揀一張岩自己既地蓆。

價錢
有時未必會需要好貴。但係相比其他既裝備,地蓆係相對值得投資既。所以有好多時候都會願意比貴少少。

重量
地蓆、天幕、睡袋同背囊,係四大最重,而又最吾可以吾拎既裝備。 (當然你話,我吾洗咩住去行山,純粹車到,然後落車,起營既話。呢個未必係大家既考慮)對於咩大背囊,遠足訓練既話,其實都係要稔清楚。
圖片取自網絡
雖然徒步,咩住甘多野上山,好似好辛苦。但係可以去到好多車去吾到既地方。景色會更加靚。因為少人到,所以環境都會更好。

保暖程度
地蓆一般都係以阻隔地氣,以達致保溫既作用。香港天氣對比外國天氣好吾同。對於山友而言,行山好多時聽熱死,就比較少聽凍死。所以如果係香港,就未必需要保暖度十分高既地蓆。

圖片取自網絡
如果真係要去雪地,請大家一定要再三考慮保暖呢個要素。

厚度
港女一向係屋企高床暖枕,所以去到露營都想做到家的感覺。(稔下就可以既)不過揀個陣,會想揀一個係厚得黎,吾會feel 到石頭卡住背脊。同時又吾好太厚,似訓係水泡甘樣,會吾舒服。

圖片取自網絡
而家大部份人行山,都只會揀充氣地蓆。而中間有綿既地蓆已經好少人再去買。因為相對充氣地蓆,有綿既會更加大舊,又更重。所以真係吾會有太多人考慮。

發出既噪音程度
相信大家都會明白,一齊訓,除左要面對隔離個個會有鼻寒。仲要面對佢轉身個陣可能會發出既躁音。去露營個陣就更加啦。 如果張地蓆嘈,條友又成日轉身,真係成晚都吾洗訓。

港女睇完佢所有比較,港女揀左兩張地蓆。而其中一張,港女自己都用緊,係真係吾錯。都係個句,無人可以試曬甘多張,如果有人做左個比較。講既又相對合理,港女就建議大家作為參考,買之前去香港各大露營裝備既實體店去了解一下。同張地蓆,親身接觸,揀一張岩自己用既地蓆。同時多D上網做下功課,了解多少少。


第一張要介紹既係 Klymit Static V2 ,呢一張係clever hiker 被稱為平靚正既夏季地蓆。

首先,價錢黎講,500蚊內有交易。對於港女而言屬於可以接受既價錢。港女個張大約 4 年前買,當時都仲要5百幾。

其次係重量,只有16.6安士。一般連鎖咖啡店的Grande重量。當然可以再輕D,但係一分錢一分貨既情況下,已經好好。

保暖而言,我就覺得香港天氣吾太凍,或者夏天去露營,十分之好。但係港女有一年聖誕節去露營,個一年市區溫度只係得單位數字。山上面係更加凍。吾講吾知,港女以為自己訓緊寒冰床。

又有一次港女去左北海道行山,雖然係8月份夏季去。但係就雷電交加,仲落大雨。到最後,港女真係覺得凍到得番10 度 。然後完全隔吾到凍,又保吾到暖。

所以對於夏天露營,係一張滿分地蓆。冬天,就只能將就下啦。當年有個師兄同港女講,去露營,訓街,天氣凍,著幾多都吾會暖。而家稔稔下都係既,除非買個去雪山既羽絨睡袋。如果吾係,其實都無咩用。不過話分兩頭,過去個十幾年都係一兩次係真係凍到訓吾到者。一日半日,咪番屋企訓多幾日補番算啦。

根據分折,呢張地蓆好處呢係,屬於價錢可以負擔。而比一般地蓆闊少少。同時又係比一般地蓆會厚少少既(大約 6CM左右)。呢個又真既,港女同個好朋友一齊買左張。去露營個陣,我地兩張放埋一齊,仲可以訓多一個人。都算幾闊落。再加上佢夠厚,所以地下有咩起伏不平都感覺吾到。亦都因為甘,最後港女令到身邊好多朋友都買左。去camp 個陣執野,整到亂曬。吾知D野係屬於邊個。
而缺點係,呢一張係充氣地蓆,所以每次要吹脹佢,港女都要花大約5-6 分鐘先完成。因為好攰想訓個陣,仲要吹脹佢個陣。你會覺得生無可戀。

第二,脹左,就梗係要放氣,先可以收番細。放氣呢一下就要用多 4 倍時間去整。因為佢v 型設計,要好有耐心同耐性,由下而上一格格將D氣,放番出黎。而吾係好似D宣傳片甘,圈埋就放到氣。

雖然,可以買個電動充氣去處理上述兩個問題。但係,買呢張地蓆為左輕。又要再帶多舊甘重既充氣去解決。甘港女都係用口吹算。

另一個缺點係將地蓆吾會好穩既係地上面,會有機會自己移位。你會發現夜晚訓個位,同朝早起身既位會有少少吾同左。

最後一個缺點就係冬天凍,夏天涼。

第二張介紹既係 REI Co-op Flash 3-Season Pad ,一張最輕得黎又抵用既地蓆。


呢一張,港女又真係未用過,不過睇數據,屬於比港女用緊既 V2 要輕少少,只有 16安士。輕左0.6安士。而保暖程度,相對比較高。所以佢應該會可以應付到我上面講既情況。至少無甘凍先啦。但係港女純粹睇數據。未用過呢一張,期待大家用過既話,可以回覆港女,有關你既用後感。

而呢一張,吹氣同放氣都比較快。所以如果港女個張爛左都會考慮買呢張試。

但係壞處,大家要係外國買,暫時網上睇吾到香港有實體店賣緊。所以運費會加左落去買呢一張地蓆既錢。

第二,佢絕對會有噪音。吾會好大,但係訓教一定聽到。

港女睇完佢成個報告,就覺得呢兩張算最合理。而且比較岩香港天氣。港女只係根據個人經驗同網站得出既報告進行整合。至於岩吾岩閣下既需要,需自己判斷。

如果作為新手既你,或者經驗十足既你 睇完,歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/



留言


請按此登錄後留言。未成為會員? 立即註冊
  • siuhunglau 於 22/07/2020 評論 NO. 1

    正呀👍

快捷鍵:←
快捷鍵:→