露營系列- 露營新手必知- 裝備清單

港女去行山 於 19/02/2021 發表 收藏文章
正所謂,書到用時方恨少。去露營其實都一樣,成日覺得自己帶好多野,但係想用個陣,都無帶。所以港女整理左一張裝備清單比各位參考一下。

當然港女會覺得,每個人都需要清楚自己去咩類型既露營。而作出吾同既用品以及裝備既取捨。

去露營既時候,港女一般都會大約6 點起身。因為睇日出,對於港女而言,係一個最開心既活動。欣賞大自然既美景。

登山遠足,行既路程比較多,就會以輕便為主。

港女一般都會好努力將所有野,放曬入個袋到。基於安全同習慣,港女都會仲意兩隻手就空出黎行。但係如果講緊露營,仲要帶甘多吾同既用具,對手真係好難吾拎野。

露營,野營,行既會比較少。專車到營地,帶既重量都吾會太影響。

今次呢一張清單,主要係比新手或者露營初哥。只係去露營,並吾會有行山遠足或者其他既活動。而露營主要活動係煮食,睇星,傾計,訓教。所以執既,都只會係配合呢個主題。

因為去露營,所以通常都會選擇一d 路程相對短。同埋吾會太崎嶇既山路,一般都係點對點。所以拎重少少,應該影響吾會太大。

以下係港女自己整合左甘多年去露營既經驗。

1. 地蓆、睡袋、營幕
地蓆係其中一樣去露營既必需品。因為地蓆可以隔地氣(包括濕氣,同埋隔開左地面既碎石)訓得會比較舒服。

睡袋係冬天既時候,就一定要啦。因為佢既作用同一張被一樣。如果夏天既時候,就吾一定既。不過每個人體質都吾一樣,所以自己睇溫度決定啦。

去露營,一定帶個營,因為無既話,就無得訓,又風吹雨打,日曬雨淋甘樣家啦。
好多人都會揀迪卡儂既露營用品。港女自己就真係好仲意佢既充氣枕頭,真係貴少少都抵。真係一百分
既好用。但係睡袋既設計而言,港女個人就無甘仲意。因為實在太大舊,佔既空間太多。放入袋,真係
好吾方便。

呢個係港女用既睡袋,都超過10年。港女吾係想介紹呢個好用。而係想講,呢一類既睡袋會有四條索
帶。所以睡袋既size 可以壓到好細。於是閒位好多。

2. 替換衣物、保暖衣物
去露營就一定預左會整污糟件衫,所以,港女一定會帶定D替換衣物去玩。

而保暖衣物都一定會帶,為免凍親,港女點都會有一件風褸。

而香港既山,特別係西貢同大嶼山日夜溫差都比較大。所以港女都會帶一套保暖內衣同褲。例如12月至 2 月應該算係香港溫差最大既日子。晏就有陽光可以去到25度,如果入夜,海邊,可以得番10度。所以大家一定要留意,注意保暖。

3. 煮食用具 - 爐、煲(俗稱cookset)、gas、餐具
去露營既重點,一定係煮野食。所以煮野食點可以吾帶爐頭同煲呢?

而gas 係燃料,無左就生吾到火啦。

至於餐具,看似好簡單,其實好重要。有一次,有朋友煲左咖哩雜菜煲。但係就吾記得帶餐具。最後只能夠用手。。。。。。。。大家應該稔到個畫面?

4. 清潔用品
食完飯,一定都會清潔番D碗碟。而最重要係,一定要帶對環境無害既洗潔精。因為我地係郊外,就算係污水穴,其實處理既過程中,都吾可以完全排除有害物質。所以,最好都係用番一D對環境無害既洗潔精

5. 食物、水
食物同水都係山上面,用黎享受既東西。有時拎住杯茶,再拎住一碗暖粒粒既飯。再望住一片星空,配合一個背山面海既景觀。有咩比得上呢一種寫意又休閑既享受。

6. 個人藥物(如有)
每個人體質都吾一樣,如果有特別有需要,就一定記得要帶定去。

7. 垃圾袋
因為去camp,一定會產生垃圾,例如食物包裝,或者係廚餘。記得要自己拎走。要愛護大自然。因為大自然要用十分之長既時間去分解一舊垃圾,就算個樣係蘋果核或者係香蕉皮。其實都吾會種到一棵蘋果樹出黎。所以請大家帶垃圾袋到市區先好掉。

不過,港女建議大家係處理好先好拎上山。甘就可以減少垃圾。
如果垃圾袋,港女都會建議大家用厚身既膠袋,包好垃圾。

8. 升級裝備系列 -
椅子- 港女最近都買左一張椅子。因為坐係地下真係無甘舒服。但係重量會隨之增加。所以吾需要行太遠既營地,都可以既。如果行得遠,就當係體能訓練啦。

枱 - 港女就覺得枱都真係需要。有時候,煮好既食物,點都吾可以放草地掛。甘所以帶張輕既枱其實都係一個必須。除非你去既營地有埋呢一類既配套。

拎完以上既物品,相信大家既體能係長期拎甘多野既情況下,都應該會對體能有好處。

但係記得要愛護環境,一定要將垃圾帶走。


如果作為新手既你,或者經驗十足既你 睇完,歡迎大家留言比comment 。如果仲意港女既專欄,請大家大家訂閱港女既專欄,睇第一手最新既文章。亦都多謝支持港女既朋友。下次再見。

https://sports.fanpiece.com/hkgirlandtrail/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→