露營玩樂篇 - 紙箱焗爐

港女去行山 於 12/02/2021 發表 收藏文章
有一次港女去露營既時候,朋友都想考下港女既露營技術。於是出左個考題,第一係吾洗洗碗。第二要飽,仲要多過兩款菜式。 呢個時候,個腦靜係稔到杯麵。不過港女真係吾想去玩露營都要食杯麵,甘只可以用下港女既聰明才智去處理。

最後港女就決定用紙箱做焗爐做左一系列既餸菜出黎。

紙箱焗爐係一個傳統既智慧。不過都有佢既局限。提一提新手要小心使用,亦都需要小心處理火種。

紙箱焗爐原理
紙箱焗爐係參考屋企既焗爐既原理去做。

記得要鋪到成個紙箱兩部都見吾到紙皮。

首先需要用錫紙包好個紙箱。而包既方法係紙箱內部成個都要用錫紙覆蓋好。 以防止個紙箱甘快燒著。所以吾好以為個紙箱包左錫紙就吾會燒著。其實紙箱都會燒著,只係包左錫紙令佢無甘快燒著又可以保持足夠既熱力去焗熟d 食物。

包好左既焗爐應該係甘既,當然個紙箱蓋都需要包埋。

整好紙箱之後就要準備好d炭。炭首先要燒著左先。要燒到d 炭大部份變成白色,而面頭見吾到有火燒緊。不過見到炭裏面會留有火種繼續燒緊就可以放入個箱底。

菜單
1. 燒雞


準備好兩支燒烤叉,然後拆左隻叉會丫叉。之後打交叉甘叉住隻雞。

係紙箱既四角都剪一下,然後將丫叉放上去。
放好之後,應該會係甘既樣。

再將紙箱蓋,蓋好紙盒。

大約30 分鐘翻轉一次隻雞。

再等大約20 分鐘,就食得。

焗好就會係甘樣既。到時大家拎筷子,試下熟吾熟。插得入就者熟曬啦。


2.Pizza

pizza 其實真係好方便,又吾需要清洗。放落個焗爐到燒就可以,又夠飽肚。絕對係一個焗爐食物既首選,

係超級市場好多吾同款既pizza。大家可以擇你喜歡既味道拎去焗。

其實用同一個原理,整熟個pizza。不過今次就會拎一個網,去托住個pizza 烤。

如果甘樣烤既話,個pizza 就吾會怕過火。又吾會怕成個pizza 跌左落去D炭到。


其實海鮮類,例如青口都可以做到呢一個效果。

港女當日亦都準備左蕃薯同焗薯仔作為晚餐。


如果有機會, 大家都可以試下呢個紙箱焗爐。 下一次港女將會挑戰焗麵包同蛋糕。

都係需要提提大家,記得要愛護環境,係指定地方生火。亦都需環帶走垃圾。以及小心處理火種。

如果作為新手既你,或者經驗十足既你 睇完,歡迎大家留言比comment 。如果仲意港女既專欄,請大家大家訂閱港女既專欄,睇第一手最新既文章。亦都多謝支持港女既朋友。下次再見。

https://sports.fanpiece.com/hkgirlandtrail/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→