跟美女郊遊遊去行針山

港女去行山 於 20/04/2020 發表 收藏文章
最近Viu TV 出左一套叫美女郊遊遊既節目,熱愛行山既港女當然吾可以吾睇下,到底講咩啦。

第一集就係兩位行山新手主持挑戰針草帽。

所講針草帽,其實係針山去草山經鉛礦坳再上大帽山。 長度屬於17 公里,總上高1100米。

而新手黎講其實係一個十分大既挑戰。

第一,路程長度。行山既長度係對於新手練行山既因素。一般而言,10公里對於新手(指一班無做運動又吾行山既人)黎講已經係極限。如果去到17公里絕對會係生不如死。

FanPiece TV


第二,上落落低差距大。行山就梗係會上高落低,行車路平路就吾洗搭甘遠車程去行啦。而針山草山大帽山係香港而言係相對較高。所以對體能有一定既挑戰。

第三,路況。由城門水塘上針山全段屬於上樓梯既路,而樹蔭吾多。如果天氣萬里無雲加上香港特有既濕氣同高溫,都真係好辛苦。

基於以上既原因,港女都吾建議新手真係跟住美女郊遊遊既路線,一開始就挑戰針草帽。

其實可以由針山開始行。

針山屬於一個性價比十分高既山。第一景觀一流,由城門水塘望到葵涌貨櫃碼頭,又可以見到沙田去到港島,景色優美。其實行山對於港女黎講就係睇景色。無景色又洗咩甘辛苦行。
其次城門水塘相對係一個交通方便既地方,可以搭的士、小巴到達荃灣。

交通:
82 號小巴
荃灣兆和街上車 - 城門水塘落車

地圖:

縱切面圖:


由小巴落車之後,左手邊是樓梯。右手邊係斜路。如圖,沿右手邊車路行。

沿車路直行大約10分鐘,就會見到水塘係你左手邊。

沿途跟指示前往主壩

沿途會經過公廁

沿指示牌前往主壩

然後通過主壩,見到一條小樓梯

見到呢個牌,就係針山既起點

針山上面望既景色,十分靚,絕對值回票價

沿路落山,會直接駁到車路

沿途有吾少分岔路,可以望一望路牌及指示,例如呢到可以落沙田

如果要落番城門水塘,可以沿麥理浩徑行。

跟指示牌往城門水塘方向行。就會番到起點。

注意事項:
- 建議著行山鞋,因為山路部份比較多
- 帶1.5 - 2 L 水(留意天氣)
- 帶傘或太陽帽

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→