西貢塔門 - 一個充滿希臘風情既小島

港女去行山 於 01/11/2020 發表 收藏文章
大家好 ~港女最近同朋友去左露營。所以想同大家介紹下塔門呢一個好地方。而今次亦都有好多靚相,想同大家分享。

點解港女會叫佢做充滿希臘風情既小島,因為夜晚個陣,四周圍既營都著左燈。而你又睇住個海景,聽住柔和既音樂。就再一塊七成熟既牛扒個陣,咪周係愛琴海差吾多。(差吾多住先啦,無得去旅行都無辦法)

FanPiece TV


塔門介紹
首先介紹一下塔門先,塔門係位於西貢對出既一個小島。而島上既居民並吾多。港女既朋友就講左一個有關塔門既掌故比港女聽。日戰時期,日本人曾經係呢到經營賣海鮮既生意。但係因為二戰完結,所以日本人就留低好多生意係島上面。特別係海膽,於是當地居民就接手左呢到既生意。繼而發展成而家既塔門餐廳都會有呢一味,海膽炒飯。

圖片取自網絡,呢張就係塔門既地圖。

交通
因為塔門係一個小島,所以要來往塔門只可以用渡輪。而渡輪主要有兩條路線分別來往西貢黃石碼頭同塔門以及馬料水同塔門。當然亦都會有,經過荔枝莊,深涌等等。不過呢D地方,都係行山先去既,平日去塔門都吾會經呢D地方啦。

渡輪資料:
https://www.td.gov.hk/tc/transport_in_hong_kong/public_transport/ferries/kaito_services_map/service_details/index.html#k04

去到黃石碼頭既時候,你可以去到搵呢位,坐係到既姐姐。佢會賣船飛既。到時一人一張,就上船。排隊同買飛都可能會有D亂。所以最好睇左船既班次,早少少到。預多20-30分鐘時間。

設施:
講到露營,一定吾少得講一講當地既設施先。不過港女都要盡力提醒大家,其實塔門並非政府指定既公眾營地,所以設計比吾上漁護署轄下既營地完善。同一時間,請大家一定要保持地方清潔。

露營地點:
係塔門後山有一個大草地,可以比大家作為露營既用途,者係紮營既地方。

因為個日都比較多人,所以紮營都比較迫。而且都會比較多人放風箏,所以都睇住,隨時有風箏既繩整到自己。

到達既方法:

呢到就係塔門碼頭

一落船,轉左,就會見到有吾少攤擋。然後沿呢條路直行。向天后廟方向行。

跟住會見到呢D民居。

見到天后廟,就行上樓梯,然後轉左繼續上山。

見到塔門青年會,繼續向前行。

然後跟路牌指示,去疊石方向。沿路都係石屎路,所以吾會行錯。

就係呢到既草坪紮營啦。

塔門真係好多人。


水源同廁所:
因為塔門並無免費食用水供應。而港女十分之同意大家自己帶食水去。因為山水真係吾知有幾多雜質同細菌。用呢D水黎飲,容易腸胃不適。所以真係吾建議大家用黎飲。

同一時間,塔門可以拎到水既地方,就係廁所。所以如果拎黎洗手或者洗碗都可以接受,飲就真係吾好試啦。

呢個就係塔門公廁。而呢到就係拎水既地方。

就係呢到啦,然後大家就係排隊,呢到拎水。

但係塔門既廁所環境極差,真係好污糟。所以大家去camp 既,都要有心理準備。

垃圾桶:
塔門係有垃圾桶既。不過一般帶上山既,食物都建議自己帶番落山。者拎番市區先處理。其實,所謂拎番市區,都只係拎埋袋垃圾,搭多一程船者。去到黃石同馬料水處理,都吾難。如果真係要掉,請大家盡量都將垃圾放入垃圾桶入面。塔門既牛,應該未進化到可以識打開個垃圾桶去搵垃圾既。所以請大家務必要放入去裏面。

塔門三景推介:

海景 - 塔門係一個島。當然四面都係環海,而你係呢到露營,就可以享受到無敵大海景。仲洗咩要比錢供樓,要間背山面海。其實生活都可以好簡單。

呢到都好多奇石,而且景色都好靚。

夜景 - 塔門遠離城市,所以燈光污染相對比較少。同一時間,因為塔門比較開揚,附近都比較少大既山或者好高既叢林遮擋夜空。所以呢到睇星星,真係好靚。

日出 - 因為呢一大塊草坪都係面向東,所以日出既時候,就會係正係既面前。人生都要睇一兩次日出既。當你年紀再大少少個陣,可能就已經無左呢一種雅興。而係比家事,公事或者經濟等等既問題困擾。


所以呢到真係有一種好chill 既感覺去吸引你黎露營。

兩大特色推介:
牛 - 行山睇到,遇過吾少牛。但係港女都忍吾住講句。佢地又真係港女遇過最乾淨,又最友善既牛。

呢D細細隻,都真係幾得意。

海膽炒飯 - 呢到既餐廳,都會大排人龍。但係太多人既關係,所以呢港女都吾排隊啦 。

介紹去到最後,港女都要努力向大家宣傳保護環境既信息。

首先,請大家真係盡量帶走垃圾。等島上清潔姐姐既工作量無甘大。另外,大家用既營,不論係淘寶又好,香港實體鋪買都好。請你吾好直接遺棄係郊區。其實可以下次再用。

同一時間,建議入夜就試下降低聲浪,以免影響其他人休息。因為香港人都真係吾係好需環訓甘。

最後,請大家上山之前,試下了解下自己帶去用既裝備。者學下點用。同埋點樣處理。例如自己個營要點樣起,自己帶去既煮食爐到底點樣用。有見及此,港女下一篇將會同大家講一講,新手露營會點樣中伏。

都係個句啦 ~一定要愛惜大自然。

如果作為新手既你,或者經驗十足既你 睇完,歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→