行山發燒友吾會話你 - 知點解我地會偏心Arc'teryx

港女去行山 於 25/04/2020 發表 收藏文章
大家可能未必識讀呢個英文Arc'teryx,但係一定對佢吾會好陌生。
呢個牌子係來自加拿大,屬於一個戶外服裝、運動裝備既公司,叫不死鳥。

而呢個牌子係用一個背包打入香港市場。

圖片取自網絡

不死鳥其實係以攀岩裝備起家,而佢使用既Gore-tex 布料設計出一系列的運動服裝同裝備更係行山愛好者趨之若鶩。不過不死鳥絕對係可以稱之為行山界既名牌。因為每一件防水防風既shell 都價值不斐。

今次就講下到底不死鳥值吾值甘貴。

圖片取自網絡

- 手工精細
不死鳥既防水防風既shell 而言,係絕對用心。因為每一塊布料縫合位置都會有一條膠貼,防止滲水。而轉角位置都會有圓型既膠貼,係貼心既表現。

不過其他牌子都做到,其實都有呢一類既設計。


- 高端科技融入服裝


圖片取自網絡

以活動分類服裝,提升服裝既功能性
不死鳥就住吾同既活動,分左12類去區別吾同既服裝系列。而分別在於少少貴,好貴同十分貴。嗯~ 其實係講緊到底你件褸有幾輕、有幾防水同有幾防風。

舉個例子,港女仲意香港行山,而香港屬於多雨朝濕天氣,所以防風防雨既功能之餘,仲要輕巧。

港女最後揀左一件,去左D樓上鋪買,價值二千一。港女媽媽見不著得好睇,佢又網購左一件價值五百既風褸。港女分別著左上山之後,都不禁講一句,行山裝備就算同一個牌子,一分錢,一分貨。所以港女認真建議各位,如果想要買行山裝備,一定要試上身,岩size,岩款,再記低個型號先好上網搵代購買。

而港女自己買既個件,重量只係9.5安士,比起我過往買既雨褸都要輕。


防水密封拉鏈
而不死鳥,贏就贏係條拉鏈採用左最新既科技,可以防水密封。試過對比其他牌子,不過又真係同不死鳥用既防水密封方式吾一樣。

完美剪裁
不死鳥最正既係,著左上去身材顯瘦。因為佢剪裁十分貼身,就算我入面著多一件mont bell 羽絨,都吾會好脹。

雪褸內藏有晶片
不死鳥其中一件雪褸更加係有Recco® (雪地發報器)裝置,其功能為當在雪地或山區迷路時,或受傷時需要救援,救難人員能透過探測器偵測到您正確位置,得以快速得救。所以不死鳥絕對就住呢種用心,贏其他牌子一條街。

- 售後服務
而家大家買野都好注重售後服務,港女就覺得不死鳥同osprey 一樣,受歡迎係有原因。兩個牌子都話,只要一日佢地仲營運,一日都仲有得幫你保養。

港女既朋友試過拎左一件爛左既不死鳥去維修,最後維修中心同佢講,因為佢個件屬於舊款,所以無再生產。港女呢個朋友可以選擇,一,揀件同價既新款,二,同一個價錢加錢再買另一件新款。

呢種甘既服務,都吾係到到有。至少件褸,無折舊先啦,同一個價可以比你換件新既,講真仲想點。

但係有一樣野要講明先,香港要去代理買,先可以直接係香港做保養。如果代購,就要寄番去加拿大做保養同維修啦。

當然都係個句,有時衫呢樣野,都真係要睇個人喜好。上述係港女入坑既原因。大家絕對係要去試完先好買,所有牌子都有好有吾好,只係不死鳥相對功能比較好,性能又相對出眾。其實港女更加仲意另一個牌子 - montbell。所以下次決定講下日本牌子,montbell 同 snow peak。

如果喜歡我們的文章,請即分享到︰

標籤: 不死鳥  行山  裝備  

留言

會員
我要評論
請按此登錄後留言。未成為會員? 立即註冊
  • 上帝的小腿
    上帝的小腿 於 27/04/2020 評論 NO. 1

    大部份應該鐘意montbell 同snow peak 多D

快捷鍵:←
快捷鍵:→