行山發燒友吾會話你知 - 我地帶上山既野食

港女去行山 於 04/07/2020 發表 收藏文章
港女之所以仲意行山,係因為想要減肥。所以食野絕對係港女做運動既動力。

所以今次決定同大家分享一下,港女上山會食到而又推薦食物。當然口味每個人都吾一樣,所以只屬於港女個人既喜好同口味。

但係無論食咩都好,港女帶吾帶上山都有幾個考慮因素,包括:熱量,是否方便拎上山同製造最少既垃圾,同埋天氣。

首先,熱量係運動既基本,如果食物既熱量吾夠。上山好易體力透支,到時真係要人抬落山。

其次係垃圾,因為大自然係屬於大家,亦都屬於當地既「原住民」。好多小動物都會因為人類既垃圾而保壞原生態。金山既馬騮係一個最好例子。大家都會用百街惠康袋裝垃圾,然後留係郊野公園。最後搞到而家香港馬騮一見呢D袋都會走去搶。所以大家一小個動作都會影響好深遠。

最後係天氣,香港天氣屬於潮濕,多雨而悶熱。如果帶一D需要冷藏或者易變質既食物,好易食完,個肚吾舒服。所以帶上山要三思。


(餅乾類)
消化餅

圖片取自網絡,麥X他只係其中一個牌子。並不是唯一既選擇。只係大眾都見佢比較多,而且各大超級市場都一定有佢既影子。

消化餅,對於港女黎講,只有芝士餅既餅底。

但係其實,上山既時候,消化餅係一個好飽肚既食物。簡單直接黎講就係肥,三塊就已經等於一碗飯既熱量。當大家上山個陣,大量消耗體力,可以直接食幾塊消化餅,補充下體力啦。

不過當然有吾好處,就係因為餅本身好乾,食完都會好口渴。如果真係有得比港女揀,港女絕對吾會揀佢做午餐。只有行三日兩夜40公里既時候,佢先會係港女個袋入面。平日同朋友行山,係絕對吾會帶上山食,因為餅本身重,又大舊,最重要係好乾。

牛油餅

圖片取自網絡,牛油餅真係好多款,不過港女上山一定吾可以無左佢。

比起消化餅,港女其實更推薦牛油餅。

一包牛油餅,就熱量黎講已經等於二碗半飯。就size 黎講,比起消化餅更加小巧,放係袋一D都吾會重。而口感,牛油餅,其實仲好食。

(零食類)
魚肉腸、果乾(提子乾、華梅乾)、啫哩

圖片取自網絡,魚肉腸係真係好好食,又易帶上山,相對又輕,都真係可以考慮。

圖片取自網絡,啫哩行山個陣食,係生活中的一點甜。

上山除左同朋友吹水,最仲意就係一路行一路食。港女就會拎D零食出黎咬,魚肉腸、果仁、啫哩絕對係最好既選擇。

首先,包裝紙吾多,所以垃圾相對比較少。但係各位都要記得吾好四圍亂扔垃圾留係上山面。

其次係因為上述食物都經過處理,所以就算係炎夏上山,變壞既機會比較低,於是減低肚痛既可能性。

另外係上述舉例既食物都會比餅乾多水份,相對而言吾會覺得甘口乾。


Snickers

圖片取自網絡,Snickers 係一個好特別既食物。可以有朱古力同餅,而口感都好吾錯。

Snickers 比起消化餅同牛油餅,熱量較低,不過呢因為有朱古力係面就更易入口。但係天氣熱就會溶曬,一拆開包裝都已經吾想食。只係適合係冬天行山個陣帶係身。


鹽糖

而家出既款式越來越多,以前最多都係食得力素。

因為行山相對其他運動係一種持續而長時間既運動,所以會大量出汗。加上如果新手平日未必成日做運動,於是行山個陣既運動量超出日常肌肉既負荷。係流失大量鹽份同電解質失平衡既情況下,就形成抽筋。

如果真係有抽筋,可以試下用鹽糖黎減輕症狀。

所以隨左鹽糖,飲寶礦力都可以達到相同效果 。

水果


係甘多種食物入面,水果既水份一定係最多。而重點係比起上面提既食物更健康、解渴。當然相對會比較重。

港女平日仲食帶提子,或者係已經得番果肉既橙。點解會係呢兩樣呢,因為吾洗成手都係汁。又吾會食完出現其他垃圾,例如果皮或者果核。無計,港女好怕煩又好懶。

但係記得,如果食有核既水果,吾好隨手掉左個核係山上面。大家吾好稔住,掉左係山,就會有棵果樹。因為吾係每一種水果都可以係山上面生長到,反而泥土要分解你呢舊核仲需要一段長時間。

如果有果皮既水果,都吾好隨手掉係山上面。因為呢D都係垃圾黎,D野生動物都吾會食。所以吾好比甘多藉口自己掉低垃圾。帶幾多野上山,就帶番幾多落黎。


蛋糕類

港女最怕煩,又會覺得食太飽,係山上面做甘大量運動,會想嘔。所以港女係山上係少食多餐。最仲意一路行一路食少少野。

所以揀蛋糕做lunch ,港女就會揀無印既蛋糕。

港女試過帶麵包鋪既麵包上山,但係經常面對幾個問題。首先,港女吾食變左型或者壓縮既麵包。其次,每一次買麵包鋪既麵包都要幾個袋裝住,驚D油會整污糟個bag。仲有就係上山既麵包吾可以有其他野係上面,者簡單黎講,一係買雞尾包,一係買豬仔包。咩味都無都算啦,一啖咬落去,得陣風,咩都無。無咩飽肚感。

最後我試左吾同既蛋糕,試到最好都係無印既條裝蛋糕。第一,包裝得好,吾會整污糟個袋。其次係因為條裝,所以放既時候好方便。吾會side 位之餘,又吾會驚壓到變型。最後有好多味道揀,所以行幾日山既話,日日都可以食到吾同味,都吾錯。重點係其實呢條年輪蛋糕既熱量都吾少,所以食一條都夠飽。

圖片取自網絡,無印蛋糕真係日本網民都推介。你就知,一定吾會伏啦。

今次就講住甘多先,下次我地講講下能量棒 - power bar

-------------------------------------------------------------------------
如果作為新手既你,或者經驗十足既你 睇完,歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→