行山發燒友吾會話你知 -介紹腰包、背囊、水袋背心同行山飲水小tips

港女去行山 於 14/06/2020 發表 收藏文章
行山既時候會見到好多行山發燒左有吾同既裝備。有人會帶背囊,有人會帶跑步水袋又有人會用腰包。 今日港女就講下有咩吾同,每一種袋又有咩好處。

圖片取自網絡

活動目的影響選擇

對於行山,如果係超過一日,選擇背囊更好。

港女之前考章個陣,咩住一個大背囊,放左落去地下,都會去到自己條腰既高度。

之前港女就講過背囊點樣揀(詳情可以參考: https://s.fanpiece.com/DYHjNjw),但係點樣要用背囊呢? 其實對於兩日一夜既遠足而言,只有背囊最適合。首先裝備太多,要一個可以裝到甘多既野容器,只有背囊。
其次就係同重心有關。當裝備多,甘多野拎上山個陣,重量只有係背脊,先可以最舒適甘完成旅程。所以大部份人都會以背囊為首選。

而大部份香港人都會係行一日行,一般叫day trip。而背囊要求會相對吾同,係要輕,防水,有D細袋仔裝下鎖匙、八達通同電話。旁邊會有D袋放水樽同垃圾。

圖片取自網絡
其實市面上,大量牌子既設計都大同小異,亦都十分成熟。所以只要就自己使用既情況同個人喜好選擇就好了。

對於跑山而言,背心水袋係不二之選

背心水袋而言,都會有吾同既大細,主要係水袋大細。因為賽事分100公里、50公里等等,所以都會有好多吾同系統。買之前可以做多少少reaserch,睇下邊個岩自己需要。

跑山係一個講求速度既活動,平日行一個鐘既山。對於跑山選手黎講已經係5-6 公里,甚至跑得快既,可以係10公里既事。所以一般跑山都吾會帶太多野上身,只係簡單一個水袋,大約1.5至2升,有幾條power bar,一部電話。

而家會見到越來越多人都選擇用背心水袋代替背囊。因為設計而言,相比會比較多索帶,會索緊成件背心水袋,令到更加貼身。於是會似一件衫多過似袋。所以重量相對更平均分散係背脊既好處就係令速度做到最快,而且感覺會比較輕巧同舒服。

腰包更適合一般單車選手用

圖片取自網絡,一般腰包都會有大部份空間係裝水。裝既物品都比較少。

腰包相對比較少見到人係跑山或者行山用。當然都會有,不過踩單既運動員會採用腰包比較多。因為放便拎水,又可以裝多d 野。

如果腰包的話,跑山既時候,支水相對而跌出黎,重心比起水袋無甘好平衡,因為腰包重,而且重力向後。

行山開始多左人用腰包,因為背囊最大既缺點係背脊熱。而腰包可以解決呢個問題,無因背脊無野阻住,當然涼快。

不過縱觀上述,其實都係睇個人喜好。港女上述都只係個人意見。所以大家可以係選擇吾同既袋個陣考慮下自己既需要同喜好。

行山飲水小trips

一般而言,行山都會建議大家帶1.5L 至 2L水。通常1.5L 放水袋,露露一般行山個陣都會帶多兩支後備水。天氣熱更加會帶一支冰左既水,同一支常溫既水。總數會係2.5L。

圖片取自網絡,雖然露露行山多年都係用水袋,都未試過爆或者漏水。但係太多前人後輩都中伏,小心駛得萬年船。

露露會甘樣帶,係考慮到幾樣野。第一,水袋隨時會爆。行山有時要有好多準備,就係要防止情況係我地既掌握之外。水袋好處當然係使用起上黎十分方便,但係山上面爆水袋,都吾少見。所以通常都會帶多一兩支水,有備無患。

第二,因為天氣熱,所以行山會口乾。飲水會相對飲得快。如果用水袋,睇吾到飲幾多,隨時飲曬都吾知,其實都好危險。所以一般飲水個陣,都會係含一啖水係喉嚨,慢慢流落去喉嚨,先至真係慢慢幫身體解溫。如果一啖就落曬去腸道,無解過渴。

第三,同時冰水解凍要時間。D冰解凍亦需要時間,於是每次飲水個陣,就吾會甘易飲曬D水。而且又會係凍水,大熱天時,行到甘熱,都有凍野飲就會開心好多。

如果作為新手既你,或者經驗十足既你 睇完,歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→