行山發燒友吾會話你知 - 行山食咩好

港女去行山 於 21/03/2020 發表 收藏文章
港女之所以仲意行山,係因為想要減肥。所以食野絕對係港女做運動既動力。

所以今次決定同大家分享一下,港女上山會食到而又推薦食物。當然口味每個人都吾一樣,所以只屬於港女個人既喜好同口味。

但係無論食咩都好,港女帶吾帶上山都有幾個考慮因素,包括:熱量,是否方便拎上山同製造最少既垃圾


(餅乾類)
消化餅

FanPiece TV



消化餅,對於港女黎講,只有芝士餅既餅底。

但係其實,上山既時候,消化餅係一個好飽肚既食物。簡單直接黎講就係肥,三塊就已經等於一碗飯既熱量。當大家上山個陣,大量消耗體力,可以直接食幾塊消化餅,補充下體力啦。

不過當然有吾好處,就係因為餅本身好乾,食完都會好口渴。如果真係有得比港女揀,港女絕對吾會揀佢做午餐。只有行三日兩夜40公里既時候,佢先會係港女個袋入面。平日同朋友行山,係絕對吾會帶上山食,因為餅本身重,又大舊,最重要係好乾。

牛油餅
比起消化餅,港女其實更推薦牛油餅。

一包牛油餅,就熱量黎講已經等於二碗半飯。就size 黎講,比起消化餅更加小巧,放係袋一D都吾會重。而口感,牛油餅,其實仲好食。

(零食類)
魚肉腸、果乾(提子乾、華梅乾)、啫哩


上山除左同朋友吹水,最仲意就係一路行一路食。港女就會拎D零食出黎咬,魚肉腸、果仁、啫哩絕對係最好既選擇。

首先,包裝紙吾多,所以垃圾相對比較少。但係各位都要記得吾好四圍亂扔垃圾留係上山面。

其次係因為上述食物都經過處理,所以就算係炎夏上山,變壞既機會比較低,於是減低肚痛既可能性。

另外係上述舉例既食物都會比餅乾多水份,相對而言吾會覺得甘口乾。

通常揀啫哩都會揀呢一類,包裝以膠袋為主,因為食完啫哩,個袋易收埋啊。吾係傳統既啫哩,有個硬既膠,比較大舊,難D收藏。

Snickers


Snickers 比起消化餅同牛油餅,熱量較低,不過呢因為有朱古力係面就更易入口。但係天氣熱就會溶曬,一拆開包裝都已經吾想食。只係適合係冬天行山個陣帶係身。


鹽糖

一般行山鋪頭都會見到呢一款。港女一般都只係上山個陣先會食。

平日係街見得最多係呢D。港女當呢D係零食,平日係屋企都會食


因為行山相對其他運動係一種持續而長時間既運動,所以會大量出汗。加上如果新手平日未必成日做運動,於是行山個陣既運動量超出日常肌肉既負荷。係流失大量鹽份同電解質失平衡既情況下,就形成抽筋。

如果真係有抽筋,可以試下用鹽糖黎減輕症狀。

所以隨左鹽糖,飲寶礦力都可以達到相同效果 。

水果


係甘多種食物入面,水果既水份一定係最多。而重點係比起上面提既食物更健康、解渴。當然相對會比較重。

港女平日仲食帶提子,或者係已經得番果肉既橙。點解會係呢兩樣呢,因為吾洗成手都係汁。又吾會食完出現其他垃圾,例如果皮或者果核。

但係記得,如果食有核既水果,吾好隨手掉左個核係山上面,大家吾好稔住,掉左係山,就會有棵果樹。因為吾係每一種水果都可以係山上面生長到,反而泥土要分解你呢舊核仲需要一段長時間。

如果有果皮既水果,都吾好隨手掉係山上面。因為呢D都係垃圾黎,D野生動物都吾會食。所以吾好比甘多藉口自己掉低垃圾。帶幾多野上山,就帶番幾多落黎。


蛋糕類

港女最怕煩,又會覺得食太飽,係山上面做甘大量運動,會想嘔。所以港女係山上係少食多餐。最仲意一路行一路食少少野。

所以揀蛋糕做lunch ,港女就會揀無印既蛋糕。


港女試過帶麵包鋪既麵包上山,但係經常面對幾個問題。首先,港女吾食變左型或者壓縮既麵包。其次,每一次買麵包鋪既麵包都要幾個袋裝住,驚D油會整污糟個bag。仲有就係上山既麵包吾可以有其他野係上面,者簡單黎講,一係買雞尾包,一係買豬仔包。咩味都無都算啦,一啖咬落去,得陣風,咩都無。無咩飽肚感。

最後我試左吾同既蛋糕,試到最好都係無印既條裝蛋糕。第一,包裝得好,吾會整污糟個袋。其次係因為條裝,所以放既時候好方便。吾會side 位之餘,又吾會驚壓到變型。最後有好多味道揀,所以行幾日山既話,日日都可以食到吾同味,都吾錯。重點係其實呢條年輪蛋糕既熱量都吾少,所以食一條都夠飽。


今次就講住甘多先,下次我地講下能量棒 - power bar 既熱量秘密

-------------------------------------------------------------------------
如果作為新手既你,或者經驗十足既你 睇完,歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/

留言


請按此登錄後留言。未成為會員? 立即註冊
    快捷鍵:←
    快捷鍵:→