網上資料吾會話你知 - 東狗上鳳凰山有幾跣

港女去行山 於 04/06/2020 發表 收藏文章
上次港女行完西狗牙,今次就介紹一下東狗牙。

今次會由水口上,行東狗牙,然後經過鳳凰山,再落伯公坳上巴士離開。

再一次重申,新手,畏高,體能更弱絕對吾適合。呢條路線經過山嶺意外黑點,請各位量力而為。

路線圖:

FanPiece TV


水口 > 東狗牙 > 一線生機 > 閻王壁 > 小鳥回頭 > 鳳凰山 > 伯公坳

縱切面圖:


搭大嶼山巴士 11 號 到水口站落車

然後往東涌方向行番轉頭,就會見到郊遊徑入口

沿路上去都係無分岔路。以梯級為主


然後就會黎到一個大草坪,然後轉右。你會見到左手邊係一個涼亭。


然後沿水渠行 5 分鐘,就會見到有一條小橋橫跨水渠。當你見到既時候,過呢條水渠後就正式黎到東狗牙既路線。


然後路段會見到全部都有絲帶帶路,而且黎來黎斜。雖然一般都吾會建議行山人士跟絲帶行,但係東狗牙既絲帶係可以跟既,港女試左一次,OK 既。

嗯,去到呢個位,大家見到港女仲有氣有力,拎相機出黎影就者無咩野啦。

但係之後既路,港女真係未有能力拎住部單反行,而吾整花部機。重點係,太多沙泥,入左相機會心痛的。
之後既路段其實都係明顯,而需要四肢並用。所以大家睇住風景相先啦。下次等港女草下錢買番部運動相機,再影條路比大家䏲。


呢到就係著名既虎吼石河,當日正好見到人由呢到上黎。其實望落去都驚。不過都係一個體驗黎。

小鳥回頭石

然後就落番鳳凰徑去伯公坳到搭車番東涌。
後記:

三牙有吾同既美景,西狗牙就屬於全程都係好安心既攀爬,係爬多,而且相對比較明顯既攀爬走線。

所以當港女爬東狗牙個陣,覺得爬吾係最大既挑戰,最難係好跣。因為碎沙路比較多。港女亦都因為爬得太近前面個位朋友,於是佢一跣,就跌左好多碎沙石落黎,有一舊仲要擲中港女隻手,都咪話吾痛。

而且如果少d 膽量都會嚇窒左,因為爬既時候會有種前無進路既感覺。個一刻,只可以信你自己對行山鞋係真係幫到你。所以爬既時候,最好同有經驗既行山友一齊行,會更安全。同港女一齊行既仲有班勇字行頭既朋友,見石就爬,當我跟住爬個陣,先發現有更好既攀爬走線。所以爬個陣真係要打醒十二分精神,吾好掛住跟人行,自己都要睇清楚。

注意事項及裝備:
1. 一定要帶手套,避免擦損
2. 一定要帶 2-3L水,因為路程雖然吾算長,但體力要求較高,建議多D 水補充,以免中暑
3. 建議用防曬用品。由於東狗牙全程屬於嚴重暴曬,所以基本上好易曬傷。
4. 一定要量力而行,畏高,膽小,體力較弱者不適合行此路段。
5. 一如以往,不建議過於暴露既衣著,以減低受傷機會。
6. 建議穿著行山鞋,不宜運動鞋上山。

如果作為新手既你,或者經驗十足既你 睇完,歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→