網上資料吾會話你知 – 我地吾會係土地灣上龍脊!

港女去行山 於 25/02/2020 發表 收藏文章
我作為一名正宗港女,係要展示下山系一面既。但係我好怕三樣野,一係太曬,開吾到umbellar。二係太熱,三係山上面太多人。

當然龍脊,呢個天氣行,呢個段home office時間行,個山仲多人過條街。

我睇左好多好多網上行山資料,大家都介紹係土地灣上龍脊。於是一家大細,扶老攜幼甘係土地灣個入口排住隊上山。最慘係,呢一到開始會係樓梯行上去,又係一個比較密既山林,大家行得慢又多人既時候,一個「焗」字形容曬。

所以,我決定教大家去用另一個角度,無甘多人既情況下(盡量),去欣賞龍脊。

首先,係筲箕灣地鐵站,A3出口,巴士總站搭新巴9 號巴士。然後係歌連臣角道落車。


落車之後,會見到左手邊係大潭懲教所,右邊會有一條樓梯。


行完樓梯之後,會見到一條車路。


見到車路轉右,一直行。只有一條直路。



當你見到公廁係右手邊。就會有路口,面對兩個路口,然後轉右上山。


直到你見到呢一個指示牌,左轉上山。就會正式黎到龍脊。

我試過行呢一個安排,經港島徑上龍脊,可能會長少少。但係勝在少人D,上山既位置無係土地灣上甘迫。

而且呢個方向上山,係以平路為主。難度相對較低。同一時間亦都考慮到搭車既問題,因為巴士由石澳開出,經過甘多個站,可能坐既位置會較少。反而係土地灣上車,就一定會有位坐。


龍脊係一個鬧市中既花園。大家可以欣賞到優美景色。


龍脊連個牌都有設計過,都幾,可愛。
--------------------------------------------------------------------------------------------------------------------------------------------
如果作為新手既你,或者經驗十足既你 睇完,歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/

下次港女會講下自己揀行山鞋既心得。

如果喜歡我們的文章,請即分享到︰

標籤: 龍脊  港島徑  郊野公園  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→