網上資料吾會話你知 - 當新手行西狗牙=慘 - (不建議新手行既路線)

港女去行山 於 01/03/2020 發表 收藏文章
港女近排去左行西狗牙。
以下係西狗牙路線圖及路徑相關資料。

警告:不適合新手、畏高及體力較弱者行走。山路經過多個山野意外點。

路線:
石壁郊遊徑 > 西狗牙 > 閻王壁 (不需要經過一線生機) > 斬柴坳 > 鳳凰山山頂 > 鳳凰徑 > 昂坪

路程:8.1公里

所需時間:大約 5 小時

FanPiece TV


路線圖:

https://www.alltrails.com/explore/map/map-06fe1c2--3
可以係呢條link入面睇到縱切面圖既資料。各位可以參考一下。

交通:
由東涌起程可以坐以下巴士:
- 11號巴士 (由東涌去大澳)
- 11A號巴士(由東涌去沙咀懲教所)*只限星期六日及公眾假期
- 23號巴士 (由東涌去昂坪)
三架巴士都係石壁警崗落車

由昂坪離開可以坐以下巴士返回東涌:
- 23號巴士

一見到「石壁警崗」就可以拑鐘,然後巴士會停係一條大水霸前面。呢一個就係石壁水塘。
就好似呢張相甘,面對住水塘,會望到天壇大佛背隻,又會望到鳳凰山。

當你面向以上三樣野,轉右,沿車路向前行,水塘會係左邊。

跟住就會黎到一個公園甘樣既草坪。

就會黎一條小橋,係小橋上面就會見到以下景象

經過左一條小橋,就會正式黎到石壁郊遊徑

沿石壁郊遊徑,可以欣賞到石壁水塘既景色。

而大自然所開成既路徑都好靚

行大約30分鐘,就會黎到西狗牙入口。

當越行得高,爬得高既時候就會見到石壁水塘既全景。


當你過完一個又一個既山峰,就同鳳凰徑越來越近。

越過一個個山峰之後,就更加感受到大自然既優美同雄偉壯觀。

沿途景色,十分優美,當然都要小心腳下。


港女終於行到「小鳥回頭」石呢個位置,大自然既景色真係十分靚

繼續向前行大約5-10分鐘,就會番黎鳳凰徑,左轉可以番去昂坪,右轉就會上鳳凰山山頂。

注意事項:
1. 裝備要準備好, 路上無補給
風景係好靚,全部都係爬上去多。因為港女條腿無32吋,所以都要用對手幫手爬上去。建議到西狗牙
既山友帶定一對手套。

2. 新手、畏高者吾建議
有好幾個位置都係懸崖邊攀爬,新手同畏高既朋友要認真考慮

3. 體能較弱者吾建議
由於全部路段都係無樹陰,所以長期曬太陽既情況下攀爬。對於攀登者既體力係一種好大既考驗

4. 防曬工作要做得好好
可以考慮戴帽。千祈吾好開傘,否則大風變玩降傘,又或者會被雷擊中。

5.需要結伴同行
各位山友行呢一段路,最好結伴同行,吾好一個人行山。太危險!


後記:
不過同港女行山個日,遇到一班新手。有段小插曲。

一般行山,港女都認為應該降低聲量。一方面可以避免影響到大自然棲息既動物。另一方面都要尊重其他山友,避免影響到其他人享受呢個大自然既環境。

不過佢地前面領行既哥哥行得太快,於是佢地只好大聲地叫停。當時佢地岩岩開始上西狗牙,聲浪大到我地仲係石壁郊遊徑既時候都聽到。都吾係一般既聲浪。

於是另一個情況就係前面領行既哥哥無太理會其他新手,只係自己行自己。一般而言,山友團隊可以由最速度相對較慢或者體力較弱既行較前位置。而每一個山友都需要留意與隊員之間既距離,如果相距太遠就需要要求前面的隊友減慢速度。

所以行山需要量力而為,而狗牙嶺係屬於只可以往前,只有去到斬柴坳先可以沿鳳凰徑落山。因為由狗牙嶺落山危險性比上山更高。請各位山友緊記,臨上山前一定要留意自己的身體狀況,天氣狀況。如果吾適合就下次再行啦,始終安全番屋企最緊要,切勿掉以輕心。

標籤: 鳳凰山  西狗牙  

留言


請按此登錄後留言。未成為會員? 立即註冊
    快捷鍵:←
    快捷鍵:→