港女教你睇郊遊圖 - 圖例篇

港女去行山 於 03/08/2020 發表 收藏文章
香港人最近無野做,都會仲意上山,行山,睇風景。但係不幸既消息經常都會聽到,例如行山中暑、獨自行山迷路或者遇上意外。

所以港女決定出一個系列,向新手或者行山經驗相對少既山友進行講解。等大家都可以了解一下行山既基本知識。

但係不論技術幾好,呢個天氣,真係吾建議一個人獨自行山。就算幾熟條路都好,都係一齊行會比較好。但係考慮到,寫文個陣係限聚令期間,又係第三波疫情擴散既時間。所以建議大家都係暫時留係屋企先比較好。

FanPiece TV


因為睇地圖係一門學問,而且博大精深。所以港女只能一步步教,大家就吾好偷懶,要慢慢學,甘上山就可以睇地圖,吾怕迷路。

點解要學睇地圖?
可以hea 的話,香港人係吾會想用腦。呢個相信吾止港女係甘樣。所以你一定會問,點解我要學識睇地圖?而家有手機,咩都睇到。

雖然而家科技發達,但係手機暫時未能完全取代紙本既地圖。因為手機個mon 大極有限,所以好多時候見到既資料十分有限。

而且如果遇上事故,手機主要用途就應該係聯絡外界,進行求救。而吾應該再花更多既電去開gps或者地圖。

其次,有時手機同手錶都有機會有偏差。吾可以好精確甘知道自己係邊。

退一步黎講,就算比部電話你睇地圖,你睇吾睇得明先?你知吾知自己去緊邊?

好似呢張圖甘樣,如果吾熟路既人,都可能會有少少懷疑到底岩吾岩呢?

地圖類別及介紹
簡單黎講,地圖係一個可以方便大家直接觀察地面上既人為或者自然既景物。透過呢D景物就可以安全帶大家上山落山同去到目的地。

首先,香港行山,一般都係用兩款地圖,包括郊遊圖同香港標準地圖(而香港標準地圖都有三款比例)。

郊遊圖
郊遊圖係為郊遊人士而設,主要記錄郊遊資料同設施。例如露營地圖、燒烤場、涼亭、洗手間等等。同時亦都會清楚表示路線。

圖片取自網絡,以下就係香港郊遊圖所畫分既區域。

香港標準地圖
而一般山藝課程或者考取香港青年獎勵計劃章級都係以hm20c為主。而hm20c 係指一張 比例係1 cm比 2 萬cm 既地型圖 。而地型圖就係指地圖可以清晰顯示地面各種地貌、地形例如高山、懸崖、溪谷等等。

由於版權問題,以下所以圖例都只係作學術討論用途。

考慮到郊遊圖普及度同大眾接受程度都相對高。所以今次以講郊遊圖為主。

邊到買?
一般都可以係行山用品銷頭都會買到

郊遊圖點樣用?
透過地圖上面既圖例,可以了解到行徑附近既設施。亦都可以預計到路況、行程所需要既時間、以及透過觀察四周既環境推斷自己既位置。

因為考慮到大家都係想知基本野,所以港女盡量簡而精。所以港女揀左幾個圖例係一定要識既去講。

郊遊圖圖例

1. 山徑

所以好多時候行山發生意外,都係因為睇少大自然。有時出於探險既心理,想要自己行一條路出黎。其實甘樣既心態對於行山,係十分危險。所以建議大家揀路個陣參考一下郊遊圖,亦都可以保障大家既安全。

山徑 - 係郊遊圖入面會有兩種顏色代表山徑。第一種係紅色,第二種係橙色。
紅色表示,係一D明顯既山徑。例子可以望一望下面既圖片

圖中係河貝水塘既路。係圖入面,會見到一條紅色既線,圍住藍色既地方。藍色係地圖入面代表水源。而呢到代表水塘。旁邊亦都寫左河貝灌溉水塘既字眼。而紅色線就係圍住河貝水塘行一個圈。

圖片取自網絡,而現實既圖況係甘樣既,所以相對,港女會話係比較易行既山路黎形容。

而橙色表示,係無甘明顯既山徑。

除左顏色,都仲有虛線同實線既分別。實線係比較容易行,虛線就相對會難行同辛苦一D。難既原因可以因為路況比較差,而因為少人行而雜草叢生,如果行入去橙色虛線,請大家務必小心,因為會相對容易迷路。

所以如果係新手行,我地會建議行既路徑以係紅色實線 為主(明顯而易行既路)。而且呢一類既路徑,都會比較多人行。所以遇到意外,都會有其他山友可以協助。

簡單黎講,揀路個陣次序應該會係甘樣揀既:

紅色實線 (明顯而易行既路)>紅色虛線 (明顯而相對難行)>橙色實線 (相對無甘明顯但係易行少少)>橙色虛線 (相對吾太明顯而難行既)

當然,港女知道好多高手在民間,一直都深藏不路。所以呢一篇,盡量都係以新手,或者是相對少行山經驗既山友而設。

2. 郊野公園設施


香港既郊野公園十分多吾同既設施,而郊遊圖都會顯示出黎。當大家行到甘上下,想要休息個陣。就可以睇下有無呢一類既設施幫到大家。

洗手間
去行山個陣,洗手間係十分重要。港女試過為左個洗手間,由山頂non-stop 沖落山,個次係打破左我有史以來,落山最快既速度。

涼亭
有時候,行得好熱,想休息下,涼亭絕對岩曬需要。

燒烤場
營地
訪客中心
呢一類設施相對都會比較近人群同馬路,所以一般而言,真係需要求助個陣,都可以考慮去呢一類地方

今次講住甘多先,下次再介紹其他。

如果作為新手既你,或者經驗十足既你 睇完,歡迎大家留言比comment 亦都歡迎大家訂閱港女既專欄
https://sports.fanpiece.com/hkgirlandtrail/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→