一文解讀香港行山路線術語

港女去行山 於 03/10/2021 發表 收藏文章
大家好,好耐無寫文啦。最近港女忙緊學韓文,追韓星。所以星期六日都少左好多去行山。再加上天氣真係太熱,所以都係留番秋冬先行。


今日就講下,香港形容山路術語。

行山係十分具有挑戰性,所以眾多運動入面,行山絕對係男女老幼都不期然地參與既運動。
但係行山都有好多種,因應吾同既山路,就可以有吾同既準備。

以下就講下香港有咩類型既山路:

1. 車路
如果大家聽到,「今次行山,車路為主」就者係話,屬於初級路線。相對輕鬆。但係大多數時間都係無蔭頂。所以會比較熱。但係安全性絕對係最高。因為沿車路行,都一定會搭到車番市區。

建議:一般既運動鞋都可以應付到,最好帶多一把遮或者太陽帽。輕輕鬆鬆交遊樂

最好既例子係大帽山或者城門水塘。

圖片取自網絡,圖中既大帽山係其中一個行山初學者可以試既地方。


2. 正規郊遊徑 (又會叫官道) - 麥理治徑,鳳凰徑
一般而言,如果大家聽到,「今次行郊遊徑」。就即係話會行一D俗稱「大路」,一般係已經存在左一段長既時間。條路係比較明顯,係睇得出,係一條路黎。

重點係,會有好多吾同既郊野公園設施。例如,指示牌,路牌或者係地圖。

相對安全性會比較有保障。

圖片取自網絡,每一條郊遊徑都係已經建造左好多設施。所以基本上,安全性都好高。

3. 非正規路線熱門路線 - 狗牙嶺,天書壁
呢一類路線,並吾係一直都存在。只係有一班行山遠足既高手,自己行一條路出黎。所以當呢一類既路線,漸漸被遺忘既時候。就有機會行吾到,又或者危險性高好多。

例如,狗牙嶺呢一類既路線,天書壁,或者三尖。

建議:
要準備好足夠既體能,請一定要著咬地既行山鞋。
帶夠足既糧食。
去之前一定要做好功課,了解路線。吾好自己一個去。

小故事: 「一線生機」
呢個地方名既由來係,當時班高手行到黎呢個位既時侯,以為行吾到,要沿路行番落去個陣。
望一望,原來隔離係可以行到既,仲有「一線生機」。所以呢個地方就叫一線生機。

好多時候,呢D地方都係意外黑點。所以官方都吾建議行呢D路線。
當然香港人點會聽,都會話自己顧自己,有咩事都係自己既事。所以吾係吾比大家行,只係自己揀既,就吾好後悔。要自己量力而為。

圖片取自網絡,一線生機係需要小心謹慎甘行。

4. 行澗 -屏南石澗,雙鹿石澗或者大城石澗
好多人都好仲意係夏天行澗,因為熱,所以有水會涼D。有時仲可以去游水。

不過港女申利,自己從來都吾行澗。有幾個原因,首先港女對山水既乾淨程度存在一定既懷疑,而自己一直都係敏感體質。所以係會眼同皮膚都敏感。其次,港女對行澗有陰影。

當日岩岩落完雨,行山路,要橫過一段城門石澗既路。當時水流十分急,而且全部大石都好滑。再加上勁重既背囊,差D企吾穩。跌落去石澗入面,好彩最後,我隊友捉住我。如果吾係,港女真係會出事。所以試過一次既行澗經歷,港女都覺得吾太岩我。

建議:
落緊雨,或者落雨之後,請吾好行澗。因為雨水會令山澗水位上升,而有機會遇上山洪。
要同有經驗人士同行。要留意四周環境。

圖片取自網絡,行澗係一個比較危險既活動。所以一定要小心,所謂既行澗,其實就係行呢一類既路。如果無行過,或者無相關訓練。就吾好自己行。

5. 綑邊
係眾多既行山活動中,綑邊係無論新手定老手都十分容易受傷既活動。體能要求亦都相當高。

所謂綑邊,就係沿住山崖邊,最接近海既窄路。
吾少既路段,有機會突然就有一個大浪打埋黎,然後成身濕曬。
亦都有朋友試過,太大浪,腳滑,跌左落海。

港女吾太仲意呢一類高風險既活動,所以一般都吾會參加。
綑邊對於綑邊對於好多經驗者而言,係一個挑戰同訓練。

所以希望大家行山之前,可以一齊認識多少少。可以安心去玩,亦都可以安全番屋企。

如果作為新手既你,或者經驗十足既你 睇完,歡迎大家留言比comment 。如果仲意港女既專欄,請大家大家訂閱港女既專欄,睇第一手最新既文章。亦都多謝支持港女既朋友。下次再見。

https://sports.fanpiece.com/hkgirlandtrail/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→