90后客戶服務部:Arbee阿比教練

hello~~我叫Arbee 啊比👧🏽
我以前係一個入行咗三年美容行業既女仔,其實講返以前都有小小覺得幾搞笑,好厭惡自己既行業 但係又為咗生活而又走唔甩。我諗每一個係香港生活既人都係咁🤷🏽‍♀
係個個時間我唯一既減壓活動就係冬天儲錢,夏天瘋狂wakeboard ~🏄🏽‍♀
開始覺得wakeboard真係太消錢 太高消費,就偶然地上網睇到菲律賓潛水既介紹 (無錯,就係90後一起快樂地潛水創辦人 小鯊魚cherry既blog) 個一刻先至叮一聲!係喎!仲有潛水未玩!

我亦都係一個超級衝動既人,個一晚睇完 返公司請假 約朋友出發,一個月後 真係前往咗菲律賓既pg島搵cherry~

第一次落水 哇!原來無想像中咁驚!原來無想像中咁難!原來潛水咁舒服!
更加睇到Cherry先知 原來有一份工 叫潛水教練!
當然考完個O仔 又未考A,邊到會心息?
當時,亦都有同我而家既老闆David大叔傾計,佢講咗一句令我真係反思咗好耐
🧔🏻不喜歡現在的生活,為什麼要硬撐?
********************************************
你唔會知道當時岩岩過22歲生日既我,忽然先知 係喎!原來可以改變架喎!返到香港我即刻儲錢 儲咗大半年 一㩒機個刻 嗯~ 十萬~😎
辭得職啦!個一刻我先同我既屋企人講,我要去菲律賓考潛水教練!😤🔥
🏠 畢竟我哥哥家姐比較多,比家姐哥哥一開頭既唔認同(又唔怪得佢地 因為我成世真係好多半桶水既事蹟😂) 直到最後同我最frd 最錫我既哥哥 同我講咗句
👦🏻 啊bee~要做教練唔係唔得,唔去菲律賓得唔得?我真係好擔心你....
👧🏽 ⋯⋯⋯⋯

一個月後,我就去到台灣既墾丁鋪頭由A仔👉🏾高氧👉🏾救援👉🏾潛水長
當時啱啱一開始去到 即刻黎個岸潛!哇 我菲律賓個時得船潛又未試過要搭貨車先到潛點仲要揹住個成套裝備行落去 😥
我好記得頭五次岸潛 個時上水仲要仆完再趴住上水😂 可能而家講係幾好笑 但個時真係好x痛!

好啦~ 係台灣個段期間 我覺得我最大既得益唔係潛水 講到最大得益 真係大個女咗👧🏽💕
因為乜嘢都係要你去做!
大佬 你有無試過廿幾 三十枝氣瓶等你搬上車?鋪頭咁多教練 個個教法唔一樣 要超級無敵小心講野! 但去到一個位 我終於頂唔順啦!我覺得我真係唔適合台灣!我覺得自己唔適合咁old school既教法,係啊 我一做錯呢 要企係到比人大聲咁鬧,又無錢收又成日叫我返去搬氣瓶,講真,點學野法都搞唔掂!

所以當時台灣既朋友問我點解走 🤷🏽‍♀
我都係好直接答 我唔想再岸潛 唔想再搬氣瓶 好攰!🤦🏽‍♀
答完我即刻搵返David🧔🏻
👧🏽 現在來,還可以在你那邊當教練嗎?
🧔🏻 我比較喜歡自己教的教練,你來考教練,我就讓你待我的店!
👧🏽 好,我把錢退一退 我8月中來
🧔🏻 有什麼事就找我
********^***********************************
在我心裡 David是一個面惡心善的大好人!
所以,個時我决定同我屋企人講
👧🏽 我唔理你地啦,雖然你地擔心我先叫我去台灣 但我真係搞唔掂 要搬氣瓶你自己去搬 我真係搞唔掂!!!
好啦~終於去到菲律賓 見返啲熟悉嘅面孔😭😭😭 啊!!!我真係好想喊 來來回回先返到黎!
係我熟悉既地方 係我夢想既開始 係船潛 係小工幫手搬氣瓶啊啊啊啊啊啊😭
我係菲律賓有咩唔識cherry👩🏽永遠都唔嫌棄我真係好蠢 佢咩都教哂我 生理 物理 理論 點教學生,有咩麻煩佢第一個彈出黎幫我 佢就好似個大姐姐咁睇住我 👩🏽👧🏽
而david更加係聽到我一講sorry/無自信既說話就即刻鬧我
🧔🏻你不應該道歉 你是要想辦法解決問題就好了~
********************************************

2018年 今年我23歲 我係Padi既開放水域潛水教練,我得163cm 43kg 我睇落去並唔似一個教練,你更加無見過我一個人搬廿枝氣瓶上貨車。但我相信你睇過呢篇文章既話,你就知道我潛水既路並唔係簡單。
我相信我既出現激發咗好多既學生,因為當你覺得自己唔得既時候,唔該你望一望我,我就係當時每一個都覺得我連裝備都揹唔起但而家已經做咗教練既人,我叫Arbee👧🏽🔥

90后一起快樂去潛水
客戶服務經理
Arbee Chan
Facebook Search : godive90
IG: 90sdivers
Whatsapp: +852 55443417
wechat:silviachenlols
Email: goxdivex90@gmail.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→