潛水, 其實唔難!

從開始潛水到宜家,身邊朋友都話好想學,但一直都猶豫到底幾時學好呢? 總係聽到朋友話潛水好正好正,聽到自己心郁郁,但又好難踏出第一步。好明白大家心裡面都有幾個疑問,難唔難學架?安唔安全架?
潛水,其實唔難!事實學潛水無你想像中咁複雜!第一個疑問:難唔難學架?
首先,潛水給予外界感覺一定要身壯力健,游泳選手,水性特好既人先學得。NO!
其實,唔識游水,怕水,水性唔好,往往認為自己一落到水會下沉,O係水入面呼吸唔到等幻想而卻步。第一樣野我要重申一次!教練一直都在!教練既職責就係幫助學生克服以上講過既恐懼!
整個學潛水既流程,就好似學車咁。考車牌,有理論堂,有筆試同路試,潛水都一樣。潛水理論堂內容,一般識中文同有常識既人都能夠輕鬆理解。睇完書,對潛水有基本概念之後,教練會安排到平靜水域(水深約1.5m淺灘)去練習各種動作,哩部份,就好似考電單車既強制試。係學校入面比較安全咁瘋狂練習打八字,緊急煞車。而平靜水域要練習既每個動作亦有佢當中既目的同價值。咁到底有咩動作要學呢?上理論堂既時候,教練都會逐一同你講解。
當完成左平靜水域既練習之後,哈哈哈哈,終於落真正既大海啦!!!
O係平靜水域堂入面,我地會學到40幾種動作。其中30幾種會O係水面或水裡進行,例如,如何舒適地平躺在水面;在水面建立正浮力,無錯!就係咁簡單!當你能夠舒服地平躺O係水面,心中既恐懼一定會大大減少。當然,要學既唔止漂O係水面,仲要能夠輕鬆地移動,才是MAIN POINT!
接著落黎,教練會逐一向你示範如何在水裡利用潛水裝備呼吸,就好似用飲管吸可樂。到左哩一刻,水入面都可以呼吸。。。潛水,仲有咩野可怕喎~游水要換氣,又用手又用腳又攰。但潛水唔洗換氣憋氣,有蛙鞋,有面鏡。。。當上緊平靜水域,快樂既時光總係過得快,不知不覺,你發現已經O係水入面用裝備呼吸左1個鍾!
或者我再重申一次,潛水!其實唔難!!! I'll now recap in English, Scuba Diving!It's EASY!!
真係簡單到好似揸車,手中緊握車匙,著車,OK,行得!潛水?著好裝備,著好蛙鞋,3,2,1,GO!黎一個背滾式入水,游得!
而教練既職責,其實係教你點樣安全地潛水!同埋面對各樣突發既狀況,如何運用學到既技巧去面對,處理問題。

所以,人生有幾多個十年?人幾時都要活在當下,有D事情哩一刻唔做,一輩子都不會做!請不要再FF潛水抖唔到氣,會不斷向下沉。潛水係開心既!係一種唔會流汗既運動,男女老幼都O岩!
最近BLOG人氣日漸上升,多謝各界支持及關注,務求為大家方便了解更多有關潛水及PG觀光旅行資訊,在此添加BLOG主,當地潛店,當地導遊聯絡方法。歡迎查詢潛水課程,PG旅遊行程。
✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲
Cherry
PADI開放水域潛水教練@Beer Shark Diving Club, Puerto Galera, Philippines
wechat:ccherrylau
Whatsapp: +852 93276297
Facebook Search : Cherryxlau@facebook.com
✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲
Regan
觀光旅遊合作伙伴
提供旅遊服務包括:(中文,英文,菲語)
☀菲律賓PG專業浮潛團隊☀
☀各種浮潛☀島上BBQ套餐優惠☀
☀菲律賓PG跳島包船觀光☀
☀菲律賓PG酒店☀民宿訂房☀
☀浮潛☀釣魚☀喂魚☀岸上觀光☀
☀白沙灘包車包船☀摩托車租賃☀
☀瀑布觀光☀打槍包車☀私人導遊☀
wechat:regan11271991
✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲✲

如果喜歡我們的文章,請即分享到︰

標籤: 潛水  Scuba Diving  休閒潛水  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→