有一班香港90後係菲律賓做潛水教練

#點解學左潛水?
#由O仔到教練再到MI
#五年心路歷程
從前有一個女仔,係香港因為工作關係,唔知點解有好多假,得閒就出下國做下Part-time,去完歐洲又去東南亞。正所謂天將降大任於斯人也,必先苦其心智。趁年青,要真正過下電波少年既生活。

斷斷續續,佢係印尼住左差唔多三個月,然後覺得太悶,開始踏上旅途,自己走左去泰國、菲律賓。

黎到菲律賓之後,第一個目的地係長灘,真係一個好靚既地方,水清沙幼,椰林樹影。因為陸地玩到太悶啦,開始去探索一下個海。點知一去左浮潛,D水唔似香港咁綠色既,真係玻璃水,浮潛左無數次之後,突然有一日,行過潛水店,見到D poster又海龜又海豚,卒之走左入去報左個open water初級潛水員課程黎玩下。
落到個海入面,仲記得有飛機同好多魚呀🤩正呀,好似睇緊Discovery channel咁架!就係哩一下震撼,我就開始拎住個O仔牌搵左個潛伴,係長灘潛下,返左印尼潛下,又返長灘潛下,去到一個叫PG既地方潛下。

黎到PG,第一個印象:咁似香港個長洲既😐點解唔係椰林樹影?不過唔緊要啦,大佬Buddy話去邊就邊啦🏾大佬話要考A仔,咁考啦。記得A仔堂入面有個叫放流堂,去左個叫Sabang Point既地方。哇,果然流大D魚多D,係好L多呀🤭仲有隻同我差唔多大既海龜😦老師話海龜係食水母既受保護動物,所以要好好珍惜,平時太多人掟膠袋落海,搞到佢地以為膠袋係水母,食死晒自己。海龜分分鐘長命過人,所以佢地好多都係老人家,要尊敬佢地😯
就係老師講完哩D海洋生態,自己一向又對Biology好有興趣,我就開始睇下關於海洋生物既書。越深究個海,發覺越有興趣🤓為左自己潛水既技術可以提升,潛下潛下,就考埋個Rescue,又考埋Dm。考到Dm既時候,好似發覺自己無乜盤村。返左香港繼續工作,大約過左半年。哩半年我好難受呀,玩挫左個心,唉,我個人不嬲都好有諗法。就開始朝住點樣又可以玩水又搵到錢呢?

我就諗起老師,同佢坦白完之後,通過壓力測試,佢話OK既話,你可以考慮下做唔做潛水教練。卒之,我就睇住銀行有十萬,100xxx既時候我就遞辭職信,辭左份做左四年既工作。

開始考教練,教水既生活。
又一個五年過去,我已經考到CD落一級既MI。五年入面,我認識左好多潛水員,好多學生,好多朋友,海邊潛店,有樣好處就係可以日日都出海,日日都有Dive,成個PG只得潛水可以玩,無遊客無大媽。所以我過得非常開心,亦都因為我正經時好正經,經到你驚;要去玩時,又唔俾人訓教,所以有班教練,有班朋友陪我癲,又成立左自己既鐵腳團—90后一起快樂去潛水。起初起團都係諗住還掂都係玩,一齊玩大家開心D,秉持一個宗指:最緊要玩得開心!同我講聲就出發!

五年入面,離開左屋企—香港。岩岩做教練既時候,體會過超級負債時期,到慢慢第一代同事都自己出埋去開潛店;連O仔學生都變埋教練。有好多想做教練或者成為左教練都問,菲律賓生活到咩?非常好既問題。

首先想講既就係,當由一個打工仔變成半自僱人士既時候,心態好緊要,千期唔好諗住有咩穩定收入。天永遠都公平,俾你係海邊生活咁開心點會又有日日都吹住冷氣又穩定既工作環境。好彩本身有做Sales工作。其實教練都要跑數,不過係為自己跑。為自己永遠都係最大既難度,海邊生活墮性又強。岩岩開始既時候,日日都腦交戰,Yeah我終於擺脫左日日返工放工訓教既生活啦。日子耐左,盤村越黎越少,就發覺唔對路。

點先會有學生呀?今個月屋租點算呀?今晚食飯點算呀無錯,我都經歷過。

幸好,有D前輩都經歷過,所以當我窮既時候都會請下我食飯,教我點搵客源。當時我都真心聆聽,吸收經驗,再自己下苦功睇書多聽多問,加上自己撞下板行下冤枉路,吸收做人,潛水,經營既知識。

時間耐左,自己做得對得起自己,對得起老師。原來,吸引力就會慢慢形成。所以想講一句,教練個個都可以考,每年所有潛水組織都有成千近萬教練畢業。生存到落黎既,少之有少。

當中,考完教練想飛皇騰達既,真心:考完教練先係開始。以PADI為例:考到MI,要跟過幾次教練班,到後來教導我點樣可以成為CD,接觸過無數教練候選人。上面都有講過,考完一班出黎個個都係OWSI,嗯。可以點?

所以,做教練一定要搵到自己既風格。先會有班願意同自己一齊玩,搵你學潛水,搵你報行程既人。

考完教練,除左為自己生活跑數之外,認識左幾個真心熱愛潛水既教練,希望我既經歷,可以令佢地撞少D板,行少D冤枉路,繼續將潛水份熱情延續下去,令更多人意識到海洋對人類既重要。

現在,我只希望到人類唔好再咁自私,因為地球真係唔係幾掂,有幾唔掂,可以推薦大家睇《Marine Biology》。現時D大台風,已經係’結果’,對整個地球黎講,人類傷亡係’副作用‘,真正既成因,係人類對個海污染太嚴重。

身為香港人,近期聽到再填海,唉。想點呀?有D憤世。

希望可以令更多人接觸海洋,了解一下個個地球,所以希望睇完哩篇野既人,開始跟我地學潛水,報名我地既行程,我地會話你知海洋係咩。會對生存在世有點兒啟發。
—完—

從前果一個女仔
90后一起快樂去潛水創辦人
Cherry LAU小鯊魚
Facebook Search : godive90
IG: 90sdivers
Whatsapp: +852 93276297
wechat: ccherrylau
Email: goxdivex90@gmail.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→