滑板少女 精選

年僅14歲、來自日嘅吉沢戀，首次參加奧運就喺女子滑板街式賽事奪得金牌，一日成名！

7歲時受哥哥影響開始玩滑板，之後就開始喺屋企附近公園練習，由於父母唔容許佢在升高中前擁有智能手機，所以佢未曾在社交媒體上同其他人交流，只係喺附近嘅公園向「教我滑板技巧的人」學習。

直到上屆東京奧運、一家人一齊喺電視上睇滑板賽事時，發現當年只得13歲嘅金牌得主西矢椛所運用的高難度技巧，當時只有小學五年級嘅吉沢戀已經能夠做到，家人先發現吉澤戀非池中物。
同好多其他選手唔同，吉沢戀冇贊助商、所屬公司係家鄉嘅一家滑板商店，開頭參加比賽都要自費，但吉沢戀在踏上職業滑板手之路上有家人作最強後盾，爸爸吉沢功轉左一份比較靈活嘅工作，一邊賺錢一邊陪個女去比賽。佢其後贏出日本幾場國內滑板賽事，嶄露頭角，最後順利加入日本。

但吉沢戀並非一直一帆風順，2023 年比賽時不慎跌傷頭部，在媽媽悉心照顧下迅速康復，趕得切去世界各地參加比賽，並且贏得巴黎奧運的入場券，最後成就呢個奪金故事。

場上的波兒 (ig: ballonfields): 自細對波類運動情有獨鍾的紅魔躉；同時亦係一名球壇黑氣石，球迷生涯但凡親身入場未曾見證所捧的球隊贏波，不勝率為100%。