潛水大拆解！！由潛水初哥到潛水教練的過程！（下集） 精選 推薦

上集主要講到新手牌既部分，今集會再深入少少講下後續發展潛水牌。

救援潛水員（Rescue Diver）

考得RESCUE既潛水員多數都會考潛水長（DIVE MASTER），先講一講Rescue先～

Rescue可以話係考潛水牌入面最有趣既一個環節，因為可以同你既潛伴一齊做角色扮演，一方做遇離者，一方做救援者。係Rescue課程入面將會學到自救及被救，水中搜索，有反應及無反應潛水員緊急救援，疲憊潛水員拖帶至上水，無反應潛水員拖帶至上水。
而當中的無反應潛水員拖帶至上水更會在考教練中成為考題之一。雖然救援潛水員課程相對有趣，但係一切都係以真實情況作為考量，所以當你做緊救援者／遇離者既時候，請你忘記你同你既潛伴有幾friend，務求一切盡量逼真呈現。

當中課程有分五大種類：
- 完成五個知識發展單元和考試。
- 在平靜或開放水域中，示範「自救複習」的各項技巧。
- 在開放水域中，示範「救援練習 1 - 10」的各項技巧。
- 在開放水域中參加「救援模擬情節 1」和「救援模擬情節 2」。
- 針對某個潛點，準備一份緊急救援計畫。


名仕潛水員（Master Scuba Diver）

名仕潛水員就即係潛水界既黑帶，不過講真，我老闆話做咗咁耐，開鋪咁耐淨係見過一個學生考，哈哈。
咁呢個牌有咩好處呢？就係唔洗比牌費PADI啦～～～
注意：呢個牌無得再考上去的！

當中課程概要：- 年滿12歲。
注意:12 - 14 歲的潛水員可取得 PADI 青少年名仕潛水員證書。
- 是一位合格的 PADI(青少年)進階開放水域潛水員且是 PADI(青少年)救援潛水員，並持有任五項 PADI 專長課程 或 TecRec 技術休閒潛水課程證書。
注意:必須是 PADI 專長潛水員或 TecRec 技術休閒潛水課程證書
**-其他訓練機構的證書不符合資格。
- 50次潛水記錄證明。



潛水長（DIVE MASTER）又稱為DM，助教。


而潛水長課程亦都係PADI 課程中步向專業人士既課程第一步，簡稱GOGRO課程。
呢一個牌開始需要支付PADI年費。
所以當中對潛水員既先決條件相對都會比較多。
Diver Prerequisites-對潛水員的先決條件：
- 是一位合格的 PADI 進階開放水域潛水員並且是 PADI 救援
潛水員。
- 年滿18歲。
- 40次水肺潛水記錄。
- 在最近 24 個月內完成 EFR 緊急第一反應首要和次要救護
訓練。
- 在過去12個月內經醫師評估並證明健康狀況適合潛水。

當中課程包括：

- 完成知識發展單元，包括 PADI 《潛水長手冊》中的知識複 習，或是潛水長線上課程的知識複習，並且通過潛水長期末考試。
- 針對指定潛點，準備一份緊急救援計畫。 - 完成水中技巧練習。 （呢個係一個體能上既測試，當中包括400尺／碼游泳，15分鐘踩水，800尺／碼輕裝游泳，100尺／碼的無意識潛水員拖帶和裝備互換）
- 完成一次潛水員救援評估。
- 完成潛水技巧和工作坊和評估。（將係OW課程中既技巧以一個示範者既角色做一次。）
- 完成實際應用技巧。
- 完成「潛水長所執行的課程」工作坊。
- 完成實際評估。
- 完成專業素養評分。


我個人認為DM係一個十分十分難忘既課程，因為當中既要求唔再係你勉強做到就當你過，而係當中既每一個測試都會有評分準則。而評分準則是一至五分，合格準則必須達到最少三分。
身為一個DM，首先改變的是心態和態度，因為這是一個從學生變成一個教練的過程，以前的學習經驗將會成為你的考潛水長的重要歷程！呢個亦都係想考教練既強大課程！
一個好既教練會將潛水長課程教到似一個考教練既課程一樣，令到你考教練既時候無咁辛苦！
PS：我深深係潛水長受到打擊之餘仲嬲自己嬲到係條街到爆喊，哈哈！諗起都醜死怪！


開放水域水肺教練（Open Water Scuba Instructor）
當經過潛水長既牌後，你既角色會由學生變成助教 加上經歴過跟堂
呢一切都係為你既教練牌做基石！

Diver Prerequisites-對潛水員的先決條件：
年滿18歲或以上
-PADI助理教練或其他訓練機構最近六個月的合格教練資歷(BSAC, NAUI, SSI, DAUI, IDEA, SAA, PDIC, YMCA或CMAS等等)-成為潛水員最少六個月
-擁有60次潛水記錄, 其中包括夜潛, 深潛和導航潛水在內
-最近24個月內的CPR訓練證明及醫師簽名的健康聲明書

課程大綱
-21知識發展: 自修, 測驗, 講解和授課
-平靜水域技巧複習, 評估, 研討會和4次授課
-開放水域研討會, 救援評估和候選人2次海上授課
-參加PADI教練考試以前, 要有至少100次潛水記錄

考試內容包括：
- 五科筆試 （每科需達到75%，其中必須合格四科才有一科即時補考的機會，如有兩科不合格 請下次努力了）
- 知識複習試教- 平靜水域五個技巧
- 平靜水域試教一個考題（在平靜水域中有即時補考一次的機會並於考試前一齊派發題目）
- 救援練習7- 拖帶無意識潛水員（口袋型呼吸／口對口呼吸，有即時補考一次的機會）
- 開放水域試教兩個考題（在開放水域中並沒有即時補考）




分享一下我考教練既過程，係為期一個月中 我要先將我既水下技巧加強同五科理論加強。
但時間真係唔夠用，唯有日頭落水，夜晚溫書！
當中有一次試教既經驗，第一次以教練身份試教真係有好多甩漏
係個段時間 我由46KG瘦到得返42KG，你都咪話容易！我考試前一日去到終於考完，我幾乎無食過野！
諗返起真係難忘但又痛苦既經歷～


皇天不負有心人！我終於PASS咗成為一個PADI-OWSI
講起都有啲飄 有啲迷失自我 哈哈哈哈哈哈～
壓力有既，對自己失望有既，付出既努力亦得回報！但我覺得最深刻係年輕既熱血！係團火啊！！！！！！


最後，我同我一齊憤鬥既BUDDY 龍仔一齊PASS！！
我地就係有團火既90後啊！！！
每一個潛水教練都唔簡單，希望大家都可以多多尊重你地既教練。我叫Arbee👧🏽🔥

********************************************************************


香港人 90'S - Arbee 啊比

開放水域潛水教練@Beer Shark Diving Club,Puerto Galera, Philippines
wechat:silviachanlols

instagram:arbeediving_hk
facebook page: 潛水泡泡龍