跑步出街情侶鞋 識揀一定揀Reebok ZPump Fusion 2.5 文字

體壇日記於 03/08/2016 發表 收藏文章
話說小編一直都有個煩惱,就係女朋友成日都話要跑步減肥,但又話要買對靚跑鞋先肯去,呢對又唔靚、嗰對又唔舒服,搞到成日都要陪佢去睇鞋。近排終於多番啲時間打機,因為小編已經搵到解決方案!佢就係Reebok新出嘅ZPump Fusion 2.5,跑步著又得、出街著又得、當情侶鞋又得,得咗!
小編以前著過啲跑鞋,對對都硬堀堀,就算試啱size,到真係跑嗰時梗有啲唔舒服,因為跑到咁上下腳掌會開始微微漲大,所以次次都會買鬆少少,但初頭對鞋唔夠貼又會「浪浪下」,好易刮腳,都未講好多跑鞋個look都超老套,都係粗粗地著嚟跑下就算。

今次介紹呢款ZPump Fusion 2.5,我最鍾意就係佢個PUMP,其他透氣呀、避震呀,嗰啲跑鞋基本必備就唔多講,佢個PUMP嘅設計係可以隨時用手唧啲空氣入去充氣,調整返對鞋嘅「內籠」,等佢完全貼緊腳掌,太緊又可以放返氣,夠晒舒服。
至於女朋友最關心嘅外觀問題,一樣搞得掂!呢個系列除咗有比較傳統嘅藍色啱晒低調嘅跑手之外,仲有其他顏色配搭,依家興跑鞋襯衫著出街,啱晒潮人!女朋友一睇就睇中咗對白色鞋面配金邊嘅限定版女生knit-woven,貪佢簡潔得嚟唔會太寡,有啲文青氣息喎,咁我梗係拿拿臨揀番對同款嘅男裝白底黑邊襯番佢啦,以後一齊出街、跑步有得著住對咁舒服嘅情侶鞋,女朋友都即刻貼貼服服呀,哇哈哈哈!
標籤: Reebok  跑鞋  ZPump Fusion 2.5  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→