興趣結合事業,成為知識型運動管理專才

體壇日記 於 07/07/2018 發表 收藏文章
DSE就嚟放榜,同學仔一定好緊張前路,其實除咗一啲傳統大路學科之外,都有其他範疇嘅學科,揀科最緊要係可以各展所長,熱愛運動嘅你,無論考成點,不妨留意下有關運動科學嘅學位!

運動管理專業成趨勢


好多同學仔都鍾意運動,只係為咗專心讀書而放棄,不過其實興趣同事業唔一定有衝突。如果有睇開足球、籃球,就會知道一支成功嘅運動隊伍,除咗運動員之外,仲有好多人喺背後付出,以足球為例,就有教練、體能教練、公關傳訊、醫療、營養師、財政、行政、營銷、場地管理等等嘅團隊去營運一間球會,即使香港球會規模唔及歐洲,但近年都越嚟越傾向用更專業嘅方法管理球會,特別需要接受過專業訓練嘅教練、公關同行政管理人員。

▲NBA球隊Boston Celtics的管理團隊十分龐大,不能盡錄(其實香港足球球會都越來越多招聘公關及管理人員,只係管理架構未如外國大球會透明)。

教練不一定是頂級運動員,系統訓練及實踐成就專業

可能有人誤會做運動管理,甚至教練,本身一定要運動好叻,其實唔一定,不如睇下以下故事。喺現今足球入面,越嚟越多「學院派」教練,例如德甲球隊賀芬咸嘅30歲主帥拿高斯文(Julian Nagelsmann)最近已經拒絕過皇家馬德里嘅邀請。舊一代「學院派」教練中,曼聯領隊摩連奴(Jose Mourinho)都算係其中一人,佢本身唔係一個出色嘅球員,只係以翻譯身份進入足球工作,透過學習足球理論成為頂級教練。摩連奴嘅經歷可能太「離地」,不如舉多一個「貼地」啲嘅例子啦!

一個名為 Rene Maric 嘅奧地利少年,學生時期都有踢波,最多加入過當地小鎮嘅業餘足球隊,不過因為經常受傷而放棄球員生涯。佢17歲就學習做青年軍教練,學習之餘不斷喺網上寫德甲球隊嘅比賽戰術分析文章,後來得到時任緬恩斯主教練杜曹(Thomas Tuchel)邀請,擔任兼職分析員,自此踏入職業球圈。輾轉為唔同球會工作之後,而家25歲嘅佢,已經成為奧地利勁旅薩爾斯堡紅牛嘅助教!(詳見《ESPN》文章:FC Salzburg's remarkable progress owes a lot to Maric, Rose

▲Rene Maric(左)嘅專業分析對薩爾斯堡紅牛十分重要,呢支奧地利勁旅今季更打入歐霸盃四強,右為薩爾斯堡紅牛主帥 Marco Rose 。

呢啲例子其實喺其他運動項目上都發生緊,所以話,只要有興趣同決心,透過有系統嘅訓練同實踐,運動都可以係一門專業。

運動管理學位展所長

港專學院有一個運動管理及訓練(榮譽)社會科學學士課程,適合有志投身運動專業嘅同學仔。課程旨在提供運動管理及訓練實務嘅學理基礎、實務識見及技能訓練,打造知識型運動管理專才。除咗有體能訓練理論與實踐、健身運動心理學等課堂外,你仲可以學到關於體育政策、財務管理及人力資源管理、體育傳媒等等眾多相關知識,仲會有相關嘅實習機會,同埋獎學金鼓勵精英運動員入學。


大家可能亦好關心出路問題,其實除咗政府部門中康樂及文化事務署二級助理康樂事務經理之類崗位,各大體育機構、社區體育團體、運動總會都有相關嘅運動管理職位,仲有私人會所、商營健體、運動中心等。

如果你好鍾意運動,想將運動結合事業,又有個degree幫助發展,諗吓呢個運動管理及訓練(榮譽)社會科學學士啦!有興趣嘅同學可以到以下網址了解詳情:https://bit.ly/2IaBqGB
《吳安儀輕鬆挑機!?》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→