(承接上集)15句初階跑友最常聽到的說話 (中) 文字

話說上文一出,大受歡迎,引來大部份跑友熱烈討論!
於是,小編承接上集,再推出大家於跑步時,都(可能)曾經說話的說話

由於反應熱烈,這個系列將會分三集,更會由最初10句加至15句!

  1. 一個人跑好悶啫,咁多人跑我怕醜喎。
    即係咁,跑步唔係一個人就係一班人,咁怕一個人又怕咁多人,咁咪搵一個人陪你開始囉,滿足到你要求未?

  1. 我都係唔得架啦,點跑都唔會瘦/fit/快/進步。
    得罪講句,如果你以咁嘅心態做事,做咩都唔會成功,包括跑步,亦包括你嘅工作。

  1. 跑步咁辛苦,踩單車/游水...咪仲舒服。
    就個人而言,我冇太大意見,總之肯做運動已經好夠。
    自己亦因為體重同雙腳負荷關係而曾經選擇左後兩者,只係後來發現跑步更好,但同時可以幾樣都做,互相輔助(是為Cross-Training也),為何因為辛苦而排除某一種在外?

  1. 咁多年冇跑,跑唔起㗎啦。
    最厲害嘅車,N年唔開,都會撻唔郁啦(靈件老化等原因),重要係你肯唔肯付出。

    記得自己在4-5年前,從沒成功地跑過連續的1500米,每次學校陸運會都要斷斷續續(因為慣了玩短跑)。
    到了大學Final Year,一班男生約定要跑1500米,碰巧自己也想參加之後的長跑賽事。之後每週也最少花一次跟人一起跑街,由起初小腿痛,到現時可以大聲講句:「其實唔難」

    成功,只在乎你肯不肯付出。
  1. 冇跑鞋點跑呀!
    話說當時我是由一對用了4年的波鞋開始跑,到了某一個階段便會覺得有需要要換。
    簡而言之,有需要就買啦!

人總是如此,每遇到自己認為做不到的事,內裡的防衛機制就會開啟,為自己提供一個下台階。

但是,若要進步,就非要打破自己的舒適圈不可。
共勉之!

下回待續
標籤: 跑步  進步  舒適圈  
【三巨頭對三巨頭1(下集)】E-kids

留言

會員
我要評論
請按此登錄後留言。未成為會員? 立即註冊
  • Wai Hon So
    Wai Hon So 於 14/08/2015 評論 NO. 1

    冬天太凍 夏天太熱 秋天太乾 春天太濕 朝早未訓醒 中午太熱 夜晚要訓教 唔跑!

快捷鍵:←
快捷鍵:→