8-12RM助你增肌變大隻,咁其他重量呢?

NS FITNESS 於 30/06/2018 發表 收藏文章
一開始健身聽好多師兄講,要選擇一個做到8-12下嘅重量,做8-12下,嗱,咁你就大隻啦。個個都跟住做,咁點解呢? 係講點解之前,要講吓咩叫volume。

問下大家如果有兩條友,假設兩條友身材一樣,運動習慣一樣,天份都一樣。一個就長期舉10下3set,當係10公斤啦,另一個就舉5下4 set 15公斤咁,咁邊個會肌肉量多啲,邊個肌力會加得多啲呢?

答案係:大家嘅肌肉量增加幾乎一樣,肌力增加亦幾乎一樣。

點解呢?唔係話1-5下提升力量,8-12下提升肌肉量咩?

原因係2個人嘅volume一樣,volume取決於重量*次數*組數,大致就係講你嘅練習量有幾多,無論你做重好做輕好,volume多嘅肌肉量同肌力就增加得多啲。

睇到呢度一定好多人覺得我吹水,邊有可能啊。啱嘅,其實我頭先講嘅係有一個錯嘅位,因為人體係有一個最低練習強度嘅。

所以無可能另一個人可以舉2磅舉10set舉40下會大隻過上面嗰2條友嘅。所以真正嘅講法係,係最低強度以上練習量多者勝出。

咁最低強度即係幾低?無人知,因為每個人都唔同,有啲人練習量一樣,重量好低都可以增肌,放係你身上就未必得。

咁點算呢?我提議大家每次訓練嘅時候,第一個訓練可以做啲比較重嘅訓練,例如練胸日就臥推5下6 set 30公斤(當係咁先,容易啲計XD),同你推25公斤12下3set一樣咁多,增肌效果一樣,但係保證咗去到最低強度。

有啲人可能會質疑,機械張力呢?代謝刺激呢?肌肉破壞呢?好簡單咁講,所謂的重唔重要唔係話呢啲要素在增加力量或肌肥大上冇用,而是同volume相比,「練習量」先係主宰訓
練成果的關鍵。

好似你溝女咁,你靚唔靚仔緊唔緊要?緊要。
識唔識整電腦緊唔緊要?緊要。
性格緊唔緊要?緊要。
身材緊唔緊要?緊要。

但係同錢比,呢啲緊要都唔再緊要了。不過咁,如果你真係好好好好好樣衰,個人好好好好好好衰,你都未必溝到女,因為你最低強度都到唔到。

純屬搞笑,女權勿hi。

不過希望大家對動作有一定熟識度,先好做重,千祈唔好勉強。因為健身係同自己跑嘅馬拉松,勉強只會令自己收皮。

小弟遲啲會嘗試開健身室,同時會在內教學。
希望大家支持NS FITNESS。

係咁
標籤: 思考  健身  volume  NSF  
《吳安儀輕鬆挑機!?》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→